28 مئی ، 2024 
پاکستان
فوٹو: فائل
پشاور سے جدہ کیلئے جانے والی پی آئی اے کی فلائٹ تاخیر کا شکار
28 مئی ، 2024
پشاور سے عازمین حج کو لیکر جدہ کیلئے جانے والی قومی ائیر لائن پی آئی اے کی پرواز تاخیر کا شکار ہوگئی۔
مسافروں کا کہنا تھا کہ فلائٹ کو شام 4 بج کر 50 منٹ پر روانہ ہونا تھا لیکن تقریباً 8 گھنٹے گزرنے کے باوجود پرواز روانہ نہ ہوسکی۔
مسافروں کا کہنا تھا کہ انہیں دو بار جہاز میں بٹھایا اور اتارا گیا ہے، اب مسافر طیارے سے نکل کر رن وے پر بیٹھ گئے ہیں۔
پرواز پر سوار مسافروں کا کہنا ہے کہ ان سے کہا جا رہا ہے کہ طیارے کا ائیرکنڈیشن خراب ہے، فلائٹ میں بزرگ اور بیماروں کی حالت غیر ہوگئی۔
واضح رہے کہ پشاور سے جدہ کیلئے جانے والی تاخیر کا شکار فلائٹ میں عازمین حج سوار ہیں۔
