03 جون ، 2024 
اعظم خان نے انسٹاگرام سے اپنی تمام تصاویر اور ویڈیوز ہٹا دیں، وجہ کیا ہے؟
03 جون ، 2024
قومی کرکٹر اعظم خان نے سوشل میڈیا ایپ انسٹاگرام سے اپنی تمام تصاویر اور ویڈیوز ہٹا دیں۔
اعظم خان سوشل میڈیا پر اپنی ویڈیوز اور تصاویر اپ لوڈ کرتے تھے، گزشتہ چند دنوں سے ان کی فٹنس کی وجہ سے شائقین کی جانب سے انہیں شدید تنقید کا نشانہ بنایا جارہا تھا۔
اعظم خان کو انگلینڈ کے خلاف خراب کارکردگی کے باعث بھی شائقین کی جانب سے تنقید کا سامنا کرنا پڑا تھا۔
تاہم یہ واضح نہیں کہ اعظم خان نے اسی وجہ سے پوسٹیں ہٹائی ہیں یا کوئی اور وجہ ہے، لیکن ممکنہ طور پر کرکٹر کی جانب سے تنقید کے بعد ہی تمام تصاویر اور ویڈیوز کا صفایا کیا گیا ہے۔
سوشل میڈیا اکاؤنٹ پر اعظم خان کی اب کوئی تصویر یا ویڈیو دستیاب نہیں ہے۔
واضح رہے کہ اعظم خان آئی سی سی ٹی ٹوئنٹی ورلڈکپ کے لیے پاکستانی اسکواڈ کا حصہ ہیں۔
مزید خبریں :
پاکستان کو بڑا دھچکا، صائم ایوب کئی ہفتوں کیلئے کرکٹ سے باہر
04 جنوری ، 2025
سابق بھارتی کپتان سارو گنگولی کی بیٹی کی گاڑی کو حادثہ
04 جنوری ، 2025
صائم ایوب بیساکھیوں پر چل کر اسٹیڈیم واپس آئے، تصویر وائرل
03 جنوری ، 2025
