04 جون ، 2024 
معمول سے زیادہ بارشیں اور گرمی، دنیا بھر میں موسمیاتی تبدیلی کے خطرناک اثرات بڑھنے لگے
04 جون ، 2024
معمول سے زیادہ بارشوں اور گرمی کے باعث دنیا بھر میں موسمیاتی تبدیلی کے خطرناک اثرات بڑھنے لگے ہیں۔
سری لنکا میں مون سون بارشوں، سیلاب اور لینڈسلائیڈنگ سے 15 افراد ہلاک جب کہ ہزاروں متاثر ہوئے۔
میڈیا رپورٹس کے مطابق دارالحکومت کولمبو سمیت سری لنکا کے 7 اضلاع کو سیلاب کی صورتحال کا سامنا ہے جہاں 19 ہزار افراد سیلاب سے متاثر ہیں۔
جنوبی افریقا میں بھی طوفانی بارشیں جاری ہیں، ایسٹرن کیپ صوبے میں موسلادھار بارشوں کے بعد سیلاب اور لینڈ سلائیڈنگ کا سامنا ہے جس کے باعث 7 افراد ہلاک ہوگئے جب کہ کئی مکانات تباہ ہوگئے۔
بھارتی میڈیا کی رپورٹس کے مطابق ریاست کرناٹکا کے دارالحکومت بنگلورو میں بھی جون میں ہونے والی بارشوں کا 133 سالہ ریکارڈ ٹوٹ گیا۔
رپورٹس میں بتایا گیا ہے کہ گزشتہ روز بنگلورو میں 111.1 ملی میٹر بارش ہوئی جس سے معمولات زندگی بری طرح متاثر ہوگئے۔
ادھر جرمن میڈیا کی رپورٹ کے مطابق جرمنی کے جنوبی علاقوں میں غیر معمولی بارشیں ہوئیں، ریاست باواریا اور باڈن ورٹمبرگ کے متعدد علاقوں میں سیلابی پانی جمع ہو گیا، شدید بارشوں کے باعث سیلابی صورتحال پیدا ہوگئی اور ڈیم تک ٹوٹ گئے۔
مزید خبریں :
ایلون مسک کی دولت ریکارڈ 348 ارب ڈالرز تک پہنچ گئی
4 گھنٹے پہلے
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
23 نومبر ، 2024
