04 جون ، 2024 
پاکستان
پشاور: پولیس نے بی آر ٹی میں چوری کرنیوالی خواتین کی تصاویر اسکرینز پر ڈسپلے کردیں
04 جون ، 2024
پشاور کی بی آر ٹی بسوں میں پولیس نے چوری میں ملوث خواتین کی تصاویر اسٹیشنز میں لگی ڈیجیٹل اسکرینز پر ڈسپلے کر دیں۔
پولیس نے بی آر ٹی بسوں میں چوری کی مسلسل وارداتوں کے پیش نظر چوری میں ملوث خواتین کی تصاویر اسٹیشنز میں لگی ڈیجیٹل اسکرینز پر ڈسپلے کرتے ہوئے ان خواتین کی گرفتاری کے لیے عوام سے بھی مدد کی اپیل کی ہے۔
پولیس کے مطابق 23 خواتین کی تصاویر بی آر ٹی کی ڈیجیٹل اسکرینز پر چلائی جارہی ہیں، یہ خواتین موبائل فون اور دیگر سامان کے چوری ہونے میں بھی ملوث ہیں، ان کی گرفتاری کے لیے عوام بھی مدد کریں۔
واضح رہے کہ بی آر ٹی میں خواتین سے چوری کی مسلسل وارداتیں رونما ہورہی تھیں، گزشتہ دنوں خاتون سے چوری کی سی سی ٹی وی فوٹیج بھی وائرل ہوئی تھی۔
