06 جون ، 2024 
آئی فون 16 پرو میکس کی جھلک سامنے آگئی
06 جون ، 2024
ایپل کے نئے آئی فون ماڈلز تو ستمبر میں متعارف کرائے جائیں گے مگر ان کے حوالے سے لیکس کا سلسلہ جاری ہے۔
اب ایک نئی لیک میں آئی فون 16 پرو میکس کے ممکنہ ڈیزائن کی جھلک اور ڈسپلے کی تفصیلات سامنے آئی ہیں۔
ایک ایکس (ٹوئٹر) صارف نے آئی فون 16 پرو میکس کی تفصیلات پوسٹ کیں۔
ان تفصیلات کے مطابق آئی فون 16 پرو میکس کے فرنٹ ڈسپلے میں کناروں کی پٹی یا بیزل اس وقت دستیاب تمام اسمارٹ فونز کے مقابلے میں سب سے کم ہوں گے۔
لیک میں بتایا گیا کہ آئی فون 16 پرو میکس میں بیزل کا حجم 0.06 انچ سے بھی کم ہوگا۔
آئی فون 16 پرو میکس میں 6.9 انچ کا ڈسپلے دیا جائے گا جو کہ گزشتہ سال کے ماڈل سے 2 انچ بڑا ہوگا۔
البتہ یہ نیا فون آئی فون 15 پرو میکس کے مقابلے میں 4 گرام بھاری ہوگا۔
درحقیقت لیک میں دعویٰ کیا گیا کہ آئی فون 16 پرو میکس اس سائنس فکشن بارڈر لیس اسمارٹ فون کے قریب تر ہوگا جو اکثر فلموں میں دکھایا جاتا ہے۔
خیال رہے کہ اس سال کے آئی فون میں آرٹی فیشل انٹیلی جنس (اے آئی) ٹیکنالوجی پر مبنی فیچرز کا اضافہ بھی کیا جائے گا۔
ایپل کی جانب سے عموماً ہر سال ستمبر میں ایک ایونٹ کے دوران نئے آئی فون ماڈلز متعارف کرائے جاتے ہیں۔
ایسا ہی اس سال بھی کیے جانے کا امکان ہے اور ستمبر میں ہی نئے آئی فونز متعارف کرائے جا سکتے ہیں۔
مزید خبریں :
سائنسدانوں کی ایسی منفرد ایجاد جو اے سی کی ضرورت ختم کردے گی
26 دسمبر ، 2024
فیس بک نے صارفین کو کمانے کا نیا موقع فراہم کردیا
26 دسمبر ، 2024
ناسا کا پارکر مشن سورج کے قریب ترین جانے میں کامیاب
25 دسمبر ، 2024
گوگل والٹ پیمنٹ سسٹم پاکستان آنے کیلئے تیار
25 دسمبر ، 2024
