08 جون ، 2024 
پاکستان سے چیری کی پہلی کھیپ چین پہنچ گئی
08 جون ، 2024
پاکستان سے چین کو چیری کی برآمد شروع ہو گئی۔
این ایل سی کی جانب سے جاری بیان کے مطابق پاکستان سے چیری کی پہلی کھیپ چین پہنچ گئی، چیری سے لدا این ایل سی کا ریفر ٹرک گلگت بلتستان سے روانہ ہوا تھا۔
بیان میں کہا گیا ہے کہ این ایل سی کے ٹرک پر 6 میٹرک ٹن چیری لوڈ کی گئی تھی، ٹرک خنجراب کے راستے چین کے شہر تاشکرگن پہنچ گیا۔ این ایل سی کا ٹرک گلگت بلتستان سے صرف 3 دن میں چین پہنچا، این ایل سی کے ریفر کنٹینر نے دوران ترسیل چیری کی تازگی کو برقرار رکھا۔
بین الاقوامی معیار کو برقرار رکھنے کیلئے چیری کی گلگت بلتستان میں خصوصی پلانٹ پر ٹریٹمنٹ کی گئی، چیری کی دوسری کھیپ اگلے ہفتے چین روانہ ہوگی۔
این ایل سی کی خصوصی سروس کی بدولت تازہ پھلوں کی برآمد ممکن ہوئی ہے، این ایل سی ریفر سروس کی مدد سے پھلوں اور زرعی اجناس کی علاقائی منڈیوں تک ترسیل سے قیمتی زر مبادلہ کمایا جا سکتا ہے۔
رواں سال 500 ٹن چیری چین پہنچائی جائے گی جس سے ملک کو کثیر زرمبادلہ حاصل ہوگا۔
مزید خبریں :
سونے کی فی تولہ قیمت میں ہزاروں روپے کا اضافہ
12 جون ، 2025
ملک میں سونے کی قیمت میں معمولی اضافہ
11 جون ، 2025
بجٹ: کافی، چاکلیٹ، جوسز اور منرل واٹر بھی مہنگے ہوں گے
11 جون ، 2025
پنجاب حکومت کا بجٹ 13 جون کو پیش کرنےکا فیصلہ
11 جون ، 2025
