09 جون ، 2024 
کھیل
فوٹو: اسکرین گریب
پاکستان کرکٹ ٹیم کی نیویارک میں کینسر سے لڑنے والے افغان مداح سے ملاقات
09 جون ، 2024
پاکستان کرکٹ ٹیم نے نیویارک میں کینسر سے لڑنے والے مداح سے ملاقات کی ہے۔
افغانستان کے 17 سالہ مبشر پاکستان کرکٹ ٹیم کے فین ہیں۔ بلڈ کینسر سے جنگ لڑنے والے نوجوان فین نے پاکستانی پلیئرز سے ملنے کی خواہش ظاہر کی تھی۔
ملاقات کے موقع پر پاکستان ٹیم کے فاسٹ بولر شاہین آفریدی نے اپنی شرٹ مبشر کو تحفے میں دی۔
شاہین کی شرٹ پر پاکستان ٹیم کے کھلاڑیوں نے دستخط کیے۔
واضح رہے کہ پاکستان اور بھارت کے درمیان ٹی ٹوئنٹی ورلڈکپ کا میچ آج نیویارک میں کھیلا جائے گا۔
پاکستان کو ٹی ٹوئنٹی ورلڈکپ میں اپنے پہلے میچ میں امریکا کے ہاتھوں سپر اوور میں اپ سیٹ شکست ہوئی تھی جبکہ بھارت نے اپنے پہلے میچ میں آئر لینڈ کو 8 وکٹوں سے ہرایا تھا۔
