کراچی میں فائرنگ کرکے بچے کو قتل کرنے والا سکیورٹی گارڈ گرفتار

کراچی میں فائرنگ کرکے بچے کو قتل کرنے والے سکیورٹی گارڈ کو گرفتار کرلیا گیا۔

نارتھ کراچی میں 2 روز قبل سکیورٹی گارڈ نے فائرنگ کرکے کچرا چننےوالے بچے کو قتل کردیا تھا۔

پولیس حکام کے مطابق بچے کو قتل کرنے والا سکیورٹی گارڈ کو گرفتار کرلیا گیا ہے۔ حکام نے بتایاکہ سکیورٹی کمپنی کا سپروائزر عاصم پہلے ہی گرفتار ہے، ملزم عاصم نے بنا کسی تصدیق کے غیر تربیت یافتہ شخص کو بھرتی کیا تھا۔

کراچی میں گارڈ نے کچرا نہ اٹھانے پر 17 سالہ لڑکے کو گولی مار کر قتل کردیا

نارتھ کراچی میں سکیورٹی گارڈ اور لڑکے میں کچرا اٹھانے پر بحث ہوئی جس پر طیش میں آکر گارڈ نے لڑکے کے پیٹ میں گولی ماردی

حکام نے کا کہنا ہے کہ متعلقہ سکیورٹی گارڈ کمپنی نے اپنا لائسنس پولیس کو دکھایا ہے تاہم متعلقہ کمپنی کے 12 گارڈ ز کا اسلحہ جانچ کیلئے ضبط کرلیا گیا ہے۔