ویڈیو: پچ اچھی تھی، کچھ گیندیں توقع کے مطابق بیٹ پر نہیں آئیں: بابر اعظم

پاکستان کرکٹ ٹیم کے کپتان بابر اعظم نے کہا ہے کہ کچھ گیندیں توقع کے مطابق بیٹ پر نہیں آئیں۔

بیٹرز کی لاپروائی، غیر ذمہ داری اور غفلت نے پاکستان کو جیتا ہوا میچ ہروا دیا۔ بھارت کے خلاف 120 رنز کا ہدف بھی حاصل نہ کر سکے۔

فخر زمان، شاداب خان ، عماد وسیم کو جب سنگلز بنانے تھے اس وقت لمبی ہٹ لگانے کی کوششں کرتے رہے اور جب ہٹ لگانی تھیں تو سنگلز بنائے۔ بھارت نے میچ 6 رنز سے جیت کر پاکستان کی سپر ایٹ تک رسائی تقریبا ناممکن بنا دی، اگر امریکا نے آئرلینڈ کو ہرا دیا تو پاکستان کےلیے ورلڈ کپ کا سفر ختم ہوجائے گا۔

ٹی ٹوئنٹی ورلڈکپ: بیٹنگ لائن بری طرح ناکام، پاکستان ٹیم 120 رنز بھی نہ بناسکی، بھارت 6 رنز سے جیت گیا

پاکستان کا لوئر اور مڈل آرڈر ناکام رہا، بھارت کے 119 رنز کے جواب میں پاکستان کی ٹیم 20 اوور میں 7 وکٹ کے نقصان پر 113 رنز بناسکی

میچ کے بعد گفتگو کرتے ہوئے بابر اعظم کا کہنا تھاکہ بیٹنگ میں ابتدائی 10 اوورز اچھا کھیلے لیکن اننگز کے بقیہ دس اوورز میں اچھی بیٹنگ نہیں ہوسکی۔

انہوں نے کہا کہ  پچ اچھی تھی، گیند بیٹ پر اچھی آرہی تھی، کچھ گیندیں توقع کےمطابق بیٹ پر نہیں آئیں۔