پاکستان کو رن ریٹ میں امریکا سے آگے نکلنے کیلئے کتنے اوور میں ہدف پورا کرنا تھا؟

آئی سی سی ٹی ٹوئنٹی ورلڈکپ میں پاکستان ٹیم نے آج اپنا تیسرا اور  اہم میچ  نیویارک میں کینیڈا کے خلاف کھیلا جس میں کینیڈا کو 7 وکٹ سے شکست ہوئی۔

کینیڈا نے پاکستان کو جیت کے لیے 107 رنز کا ہدف دیا  تھا، قومی ٹیم کو نیٹ رن ریٹ میں امریکا سے آگے نکلنے کے لیے یہ ہدف 13 اعشاریہ 5 اوور میں پورا کرنا تھا تاہم پاکستانی بیٹرز سست روی کے باعث ایسا نہ کرسکے اور 14 اوور میں 81 رنز ہی بناسکے۔

قومی ٹیم نے 107 رنز کا ہدف 3 وکٹوں کے نقصان پر 17 اعشاریہ 3 اوور میں مکمل کیا۔

ورلڈکپ میں اپنا سفر جاری رکھنے کے لیے قومی ٹیم کو  نا صرف اگلا  میچ جیتنا ضروری ہیں بلکہ اس کے ساتھ امریکا کی بھارت اور آئرلینڈ سے شکست  کی دعا بھی کرنا ہوگی کیونکہ امریکا نے اگر مزید ایک پوائنٹ بھی حاصل کرلیا تو  پاکستان کا سفر یہی ختم ہوجائے گا۔

یاد رہے کہ  ٹی ٹوئنٹی ورلڈکپ میں پاکستان کو اپنے پہلے میچ میں میزبان  امریکا کے ہاتھوں سپر اوور میں شکست ہوئی تھی جب کہ دوسرے میچ  بھارت کے ہاتھوں 6 رنز سے ہزیمت کا سامنا کرنا پڑا تھا۔

ٹی ٹوئنٹی ورلڈکپ میں پاکستان کی پہلی کامیابی،کینیڈا کو 7 وکٹ سے ہرا دیا

پاکستان نے107 رنز کا ہدف 17.3 اوورز میں 3وکٹ کے نقصان پر حاصل کرلیا

حارث رؤف ٹی 20 انٹرنیشنل میں وکٹوں کی تیز ترین سنچری مکمل کرنیوالے فاسٹ بولر بن گئے

پاکستانی فاسٹ بولر نے 71 میچز میں 100 ٹی ٹوئنٹی انٹرنیشنل وکٹیں مکمل کیں۔