حقیقت میں جِن سے سامنا کب ہوا؟ کبریٰ خان نے ڈراؤنا واقعہ بتادیا

معروف پاکستانی فلم اسٹار کبریٰ خان نے اپنے ساتھ پیش آنے والے ڈراؤنے واقعے کا ذکر کیا ہے۔

جیو نیوز سے خصوصی گفتگو کرتے ہوئے کبریٰ خان نے بتایا کہ ایک مرتبہ کشمیر میں فلم کی شوٹنگ کے دوران کمرے میں حقیقت میں جِن آگیا تھا۔

اداکارہ نے کہا کہ جب مجھے محسوس ہوا کہ کمرے میں کچھ ہے تو میں فوراً اپنے موبائل پر سورۃ رحمٰن اور سورۃ البقرہ کی تلاوت لگالی۔

ویڈیو: میچ جتوانے کی سرتوڑ کوشش کرنیوالے نسیم بھارت سے شکست پر پھوٹ پھوٹ کر رو پڑے

نسیم شاہ کو ناصرف ساتھی کرکٹر شاہین آفریدی نے دلاسہ دیا بلکہ بھارتی کرکٹرز بھی نسیم شاہ سے ملتے ہوئے ان کا کاندھا تھپتھپاتے رہے

کبریٰ خان نے بتایا کہ بعد میں معلوم ہوا دیوار کے ساتھ قبرستان تھا، اب جب بھی گھر سے نکلتی ہوں تو تین بار آیت الکرسی پڑھ کر خود پر پھونکتی ہوں۔

اداکارہ نے دورانِ انٹرویو کہا کہ کرکٹ میں کوئی خاص دلچسپی نہیں ہے لیکن نسیم شاہ کی وجہ سے کبھی کبھی کرکٹ دیکھ لیتی ہوں کیونکہ نسیم ہماری کرکٹ ٹیم کے بہترین کھلاڑی ہیں اور جس طرح انہوں نے ٹی ٹوئنٹی ورلڈکپ میں بھارت کے خلاف میچ کھیلا، وہ قابلِ تعریف تھا۔

کبریٰ کا کہنا تھا کہ مجھے افسوس ہوتا ہے ہمارے اچھے کھلاڑیوں کو ان کی وجہ سے مشکل اٹھانا پڑتی ہے جو اچھا نہیں کھیلتے۔