الیکشن کمیشن نے لاہور ہائیکورٹ کا ٹربیونلز بنانے کا فیصلہ سپریم کورٹ میں چیلنج کر دیا

الیکشن کمیشن نے لاہور ہائیکورٹ کا الیکشن ٹربیونلز بنانے کا فیصلہ سپریم کورٹ میں چیلنج کر دیا۔ 

الیکشن کمیشن نے سپریم کورٹ سے لاہور ہائیکورٹ کا فیصلہ معطل کرنے کی استدعا کی ہے۔

الیکشن کمیشن کا مؤقف ہے کہ الیکشن ٹربیونلز کی تشکیل الیکش کمیشن کا اختیار ہے،ہائیکورٹ الیکشن کمیشن کے اختیارات استعمال نہیں کرسکتی، سپریم کورٹ لاہور ہائیکورٹ کا فیصلہ کالعدم قرار دے۔

3 حلقوں کیلئے نئےٹربیونل کیخلاف کیس: عدالت نے نئے ٹربیونل کو کام کرنے سے روک دیا

اسلام آباد ہائیکورٹ کے چیف جسٹس عامر فاروق نے نئے ٹربیونل پرحکم امتناع جاری کر دیا۔

الیکشن کمیشن نے سپریم کورٹ سے درخواست کی کہ اپیل کل سماعت کیلئے مقرر کی جائے۔

واضح رہے کہ لاہورہائیکورٹ کے فیصلے پر چیف جسٹس شہزاد ملک نے گزشتہ روز 8 ٹربیونلز کی تشکیل کے احکامات جاری کیے تھے۔