سینیٹ کی قائمہ کمیٹیوں کے معاملے پر حکومت اور اپوزیشن میں مذاکراتی عمل تعطل کا شکار

سینیٹ میں قائد ایوان اسحاق ڈار نے تحریک انصاف کو مرضی کی کمیٹیاں دینے سے معذرت کرلی، اتفاق رائے نہ ہونے پر حکومت اور اپوزیشن میں مذاکراتی عمل تعطل کا شکار ہو گیا ہے۔

سینیٹ میں قائمہ کمیٹیوں کے معاملے پر تحریک انصاف کے وفد کی اسحاق ڈارسے آج طے شدہ ملاقات بھی نہ ہوسکی۔

پی ٹی آئی اور حکومت قائمہ کمیٹیوں کی تقسیم پر کسی نتیجے پر نہ پہنچ سکی

رولز کے مطابق قائمہ کمیٹیاں تقسیم کریں، امید ہے ہمارا مطالبہ تسلیم کرلیا جائے گا: علی ظفر

اس حوالے سے بات چیت کرتے ہوئے تحریک انصاف کے سینیٹر علی ظفر نے کہا کہ مسلم لیگ ن اور پیپلز پارٹی نے کمیٹیاں خود سے تقسیم کرلیں۔

انہوں نے کہا کہ تحریک انصاف کو احتساب والی کمیٹیاں نہیں دی گئیں، جو قابل افسوس ہے۔

واضح رہے کہ دو روز قبل اسلام آباد میں پی ٹی آئی اور اسحاق ڈار کے درمیان قائمہ کمیٹیوں کی تقسیم کے حوالے سے ہونے والی ملاقات بھی بے نتیجہ ختم ہوگئی تھی جس کے بعد تحریک انصاف اور حکومتی ٹیم نے دوبارہ ملاقات پر اتفاق کیا تھا۔