ٹک ٹاک میں اے آئی اواتار کا فیچر متعارف

18 جون ، 2024

ٹک ٹاک میں اے آئی اواتار کا فیچر متعارف — ٹک ٹاک میں اے آئی ٹیکنالوجی پر کافی کام کیا جا رہا ہے / فائل فوٹو

مقبول سوشل میڈیا ایپ ٹک ٹاک کی جانب سے آرٹی فیشل انٹیلی جنس (اے آئی) ٹیکنالوجی پر کافی کام کیا جا رہا ہے۔

اب اس ویڈیو شیئرنگ ایپ میں اے آئی ٹیکنالوجی پر مبنی اواتارز کا فیچر برانڈز اور کریٹیرز کے لیے متعارف کرا دیا گیا ہے۔

ایک رپورٹ کے مطابق ٹک ٹاک کی جانب سے برانڈز اور کریٹیرز کے لیے اسٹاک اواتار تیار کیے جائیں گے جن کو کمرشل بنیادوں پر استعمال کرنے کے لیے لائسنس کی ضرورت ہوگی۔

اسی طرح کاسٹیوم اواتار کا آپشن بھی دستیاب ہوگا جو کسی صارف کی شخصیت یا کسی برانڈ سے جڑی شخصیت کی نمائندگی کرے گا۔

یہ بھی پڑھیں

اس نئے ٹول کے بعد ٹک ٹاک کے فار یو پیج میں اے آئی ٹیکنالوجی پر مبنی ویڈیوز کی تعداد بڑھ سکتی ہے، جن پر لیبل لگائے جائیں گے تاکہ صارفین کو علم ہوسکے کہ وہ آرٹی فیشل انٹیلی جنس ٹیکنالوجی سے تیار کردہ ویڈیو دیکھ رہے ہیں۔

ٹک ٹاک کے عہدیدار اینڈی یانگ نے بتایا کہ اے آئی اواتار سے صارفین کو نئے مواقع دستیاب ہوں گے۔

اس فیچر کا بنیادی مقصد ٹک ٹاک میں ای کامرس کو فروغ دینا ہے اور کمپنی کا ماننا ہے کہ اے آئی اواتار انسانی کریٹیرز کا بھی مقابلہ کر سکیں گے۔

خیال رہے کہ اپریل 2023 میں ایک رپورٹ میں بتایا گیا تھا کہ ٹک ٹاک میں اے آئی ٹیکنالوجی پر مبنی اواتارز کا فیچر متعارف کرایا جا رہا ہے۔

اس فیچر کے تحت صارفین 3 سے 10 تصاویر اپ لوڈ کرکے 5 آرٹ اسٹائلز کو منتخب کر سکیں گے۔

اس کے بعد ایپ کی جانب سے 30 مختلف اواتار چند منٹوں میں تیار کیے جائیں گے جن میں سے کسی ایک یا سب کو ڈاؤن لوڈ کرکے پروفائل فوٹو یا اسٹوریز میں استعمال کرنا ممکن ہوگا۔

مگر پھر اس پر مزید کام نہیں ہوا اور اب اسے کچھ تبدیلیوں کے ساتھ متعارف کرایا جا رہا ہے۔