19 جون ، 2024
عید الاضحیٰ کے تیسرے اور چھٹی کے آخری روز بھی سنت ابراہیمیؑ کی پیروی میں ملک بھر میں جانوروں کی قربانی کی گئی۔
عید کے پہلے دو روز منہ مانگے ریٹ مانگنے والے قصائیوں کے نخرے ختم ہو گئے اور آج کم پیسوں پر بھی جانور گرائے۔
متعدد شہروں میں آلائشیں اٹھانے اور صفائی کا کام جاری ہے۔
عید کی چھٹیوں کے آخری آخری لمحات انجوائے کرنے کے لیے یار دوستوں اور عزیز رشتے داروں نے باربی کیو کی محفلیں سجالیں، چٹ پٹے کھانوں سے مہمانوں کی تواضع کی جا رہی ہے۔
منچلے کہیں نہر تو کہیں دریا کنارے اور کہیں پہاڑوں پر دوستوں کے ساتھ تکہ پارٹی میں مصروف ہیں تو بچے اور بڑے گرم موسم میں ٹھنڈی ٹھار آئس کریم سے لطف اندوز ہو رہے ہیں۔