25 جون ، 2024 
جی میل اور دیگر گوگل سروسز میں جیمنائی اے آئی ماڈل صارفین کیلئے دستیاب
25 جون ، 2024
گوگل کی جانب سے آرٹی فیشل انٹیلی جنس (اے آئی) ٹیکنالوجی پر مبنی جیمنائی سسٹم کو جی میل، گوگل ڈاکس، شیٹس اور سلائیڈز جیسی سروسز کا حصہ بنا دیا گیا ہے۔
اس کے ساتھ ساتھ جی میل کے لیے اے آئی اسسٹنٹ بھی متعارف کرایا گیا ہے۔
گوگل سروسز کے لیے جیمنائی 1.5 پرو ماڈل استعمال کیا جائے گا جو سائیڈ پینل میں چھپا ہوگا۔
گوگل کی جانب سے ایک بلاگ پوسٹ میں اعلان کیا گیا کہ جیمنائی کو جی میل اور دیگر سروسز کے نئے سائیڈ پینل کا حصہ بنایا جا رہا ہے۔
کمپنی کے مطابق اے آئی ماڈل سے صارفین کو کافی مدد ملے گی۔
یہ نیا سائیڈ پینل بیشتر سروسز میں اوپری دائیں کونے میں موجود اسپارک بٹن پر کلک کرنے پر اوپن ہوگا۔
صارفین جیمنائی سے مختلف سوالات پوچھ سکیں گے۔
بلاگ پوسٹ کے مطابق اینڈرائیڈ اور آئی او ایس ڈیوائسز کے صارفین جی میل میں اے آئی ٹول کو ای میل تھریڈز کے تجزیے کے لیے استعمال کیا جاسکے گا اور سمری میں مخصوص نکات ہائی لائٹ کیے جائیں گے۔
اس اپ ڈیٹ کا مقصد طویل ای میلز پڑھنے میں ضائع ہونے والے وقت کو بچانا ہے جبکہ جلد Contextual Smart Reply اور Gmail Q&A جیسے فیچرز بھی موبائل ڈیوائسز کے لیے دستیاب ہوں گے۔
گوگل کے مطابق جیمنائی کو متعارف کرانے کا سلسلہ 25 جون سے شروع ہوا ہے اور یہ بتدریج تمام صارفین کو دستیاب ہوگا۔
مزید خبریں :
جی میل میں ایک دلچسپ فیچر صارفین کے لیے متعارف
7 گھنٹے پہلے
گوگل کی نئی اے آئی گیم جو شطرنج کھیلنے والوں کو ضرور پسند آئے گی
01 دسمبر ، 2024
اسپوٹیفائی نے کِن صارفین کے موسیقی چلانے پر پابندی لگا دی؟
30 نومبر ، 2024
ایلون مسک کا گیمنگ کی دنیا میں قدم رکھنے کا اعلان
29 نومبر ، 2024
گوگل کا میپس کی لوکیشن ہسٹری کو ڈیلیٹ کرنے کا فیصلہ
28 نومبر ، 2024
