28 جون ، 2024
فیس بک پر لاکھوں کی تعداد میں دیکھے جانے والے ایک ویڈیو کلپ میں نواز شریف کے بطور وزیراعظم پاکستان(1990-1993,1997-1999اور 2013-2017) کے دوران کئی سڑکوں کی تعمیر کو ان کے ادوار سے منسوب کیا گیا ہے۔
ویڈیو میں دکھائی جانے والی سڑکیں حقیقت میں چین میں واقع ہیں۔
2 جون کو ایک فیس بک صارف نے 39 سیکنڈ کی ایک ویڈیو پوسٹ کی جس میں نواز شریف کی تقاریر کے کلپس موجود تھے۔ اس کو مختلف سڑکوں اور راستوں کی فوٹیج کے ساتھ جوڑ کر اس طرح سے دکھایا گیا ہے کہ جیسے یہ انفراسٹرکچر نواز شریف کے دور حکومت میں بنایا گیا تھا
اس ویڈیو کو ابھی تک 3 لاکھ 65 ہزار سے زائد دفعہ دیکھا، 5 ہزار 500 سے زائد بار شیئر اور 6 ہزار 700 سے زائد مرتبہ لائک کیا گیا ہے۔
تحقیقات کرنے پر جیو فیکٹ چیک کو پتہ چلاکہ ویڈیو میں دیکھائی گئی چاروں سڑکیں پاکستان سے باہر واقع ہیں۔
ویڈیو کی جامع کی ورڈ اور ریورس امیج سرچ سے یہ بات سامنے آئی کہ ویڈیو میں نظر آنے والی پہلی سڑک درحقیقت جنوب مغربی چین کے صوبہ سیچوان میں واقع Yaxi ایکسپریس وے ہے۔
چین میں واقع اس ایکسپریس وے کی فوٹیج یہاں دیکھی جا سکتی ہے۔
مونتاج میں دوسری فوٹیج سیچوان صوبے میں ہی Jinkou Grand Canyon کی ہے، درحقیقت Jinkou Grand Canyon کی فوٹیج یہاں دیکھی جا سکتی ہے۔
آن لائن ویڈیو میں نظر آنے والی تیسری سڑک چین کے ہینان صوبے کی ہے۔
اصلی سڑک کی فوٹیج یہاں دیکھی جا سکتی ہے۔
مبینہ ویڈیو میں دیکھائی گئی چوتھی سڑک بھارت کی ایک ہائی وے کی ہے۔ جیو فیکٹ چیک آزادانہ طور پر اس کے اصل مقام کی تصدیق نہیں کر سکا۔
ہمیں@GeoFactCheck پر فالو کریں۔ اگرآپ کو کسی بھی قسم کی غلطی کا پتہ چلے تو [email protected] پر ہم سے رابطہ کریں۔