30 جون ، 2024 
محسن نقوی چیئرمین پی سی بی ہوتے ہوئے سینیٹر نہیں بن سکتے، نااہلی کی درخواست دائر
30 جون ، 2024
لاہور ہائیکورٹ نے وفاقی وزیرِ داخلہ محسن نقوی کو سینیٹ کی نشست سے نااہل قرار دینے کی درخواست سماعت کیلئے مقررکر دی۔
قائم مقام چیف جسٹس شجاعت علی خان یکم جولائی کو اعتراض کے ساتھ درخواست پر سماعت کریں گے۔
رجسٹرار آفس نے درخواست پر درخواست گزار کے متاثرہ فریق نہ ہونے کا اعتراض لگایاتھا۔
درخواست گزار شہری مشکور حسین کے مطابق محسن نقوی چیئرمین پی سی بی کا عہدہ رکھتے ہوئے سینیٹر بننے کے اہل نہیں، سینیٹ کی نشست کے لیے کاغذاتِ نامزدگی جمع کراتے وقت محسن نقوی پی سی بی کے چیئرمین تھے۔
درخواست میں کہا گیا ہے کہ آرٹیکل 63 کے تحت محسن نقوی سینیٹر کے عہدے پر برقرار نہیں رہ سکتے، استدعاہےکہ عدالت محسن نقوی کو سینیٹر کے عہدے سے ہٹانے کا حکم دے۔
خیال رہے کہ رواں سال 6 فروری کو محسن نقوی بلا مقابلہ چیئرمین پاکستان کرکٹ بورڈ منتخب ہوئے تھے اور وہ اُس وقت نگران وزیراعلیٰ پنجاب تھے۔
مزید خبریں :
ویڈیو: پیرو میں میچ کے دوران بجلی گرنے سے فٹبالر ہلاک ہوگیا
04 نومبر ، 2024
