ایف سی ایریا میں لوڈشیڈنگ کیخلاف احتجاج، کے الیکٹرک کی گاڑیوں کے شیشے توڑ دیے

کراچی کے علاقے ایف سی ایریا میں بجلی غیر اعلانیہ لوڈشیڈنگ کے خلاف کے الیکٹرک کے دفتر کے باہر احتجاج مظاہرہ کیا گیا۔

کراچی میں شدید گرمی کے باوجود اعلانیہ اور غیر اعلانیہ لوڈشیڈنگ کا سلسلہ جاری ہے اور 12 گھنٹے سے زائد لوڈشیڈنگ معمول بن گیا۔

ایف سی ایریا میں بھی بجلی غیر اعلانیہ لوڈشیڈنگ کے خلاف کے الیکٹرک کے دفتر کے باہر احتجاج مظاہرہ کیا گیا۔

 لوڈشیڈنگ کے ستائے شہریوں نے کے الیکٹرک دفتر کے باہر نعرے بازی کی اور پتھراؤ کیا۔

کے الیکٹرک کی جانب سے رات گئے بجلی بندش، شہریوں کا احتجاج، پولیس کا لاٹھی چارج

اولڈ سٹی ایریا، گارڈن ویسٹ، اللہ والا ٹاؤن، کورنگی، نشتر روڈ، جہانگیر روڈ، لیاقت آباد، ملیر اور دیگر علاقوں میں رات 2 بجے سے بجلی کی بندش کا سلسلہ معمول بن گیا

مشتعل  مظاہرین نے کے الیکٹرک گاڑیوں کے شیشے توڑ دیے۔ مظاہرین نے کے الیکٹرک آفس کی دیواروں پر چاکنگ بھی کی۔