جعلی ڈرائیونگ لائسنس کی تحقیقات: محکمہ ٹرانسپورٹ کے پی کی ویب سائٹ ڈاؤن ہوگئی

مبینہ جعلی ڈرائیونگ لائسنس کی تحقیقات کے دوران خیبرپختونخوا کے محکمہ ٹرانسپورٹ کی ویب سائٹ کا لنک ڈاؤن ہوگیا۔

محکمہ ٹرانسپورٹ خیبر پختونخوا کی آفیشل ویب سائٹ گزشتہ دو روز سے ڈاؤن ہے جس سے صارفین کو مشکلات کا سامنا ہے۔

لنک ڈاؤن ہونے کی وجہ سے لائسنسز کی آن لائن تصدیق نہیں ہوسکتی۔ جعلی لائسنس تصدیق کی شکایات پرانکوائری جاری ہے۔

آئی ٹی ماہرین کا کہنا ہے کہ لنک ڈاؤن ہونے کے باوجود ویب سائٹ ڈیٹا میں ردوبدل ہوسکتا ہے۔ 

پختونخوا سے جاری انٹرنیشنل ڈرائیونگ لائسنز کی مبینہ جعلی تصدیق کا اسکینڈل سامنے آگیا

خیبرپختونخوا سے کم عمر افراد کوبھی ڈرائیونگ لائسنس جاری کیےگئے، ایسے لوگوں کو بھی لائسنس دیے گئے جوپاکستان آئے ہی نہیں تھے: مراسلے میں انکشاف

اس حوالے سے ڈائریکٹر ٹرانسپورٹ احمد کمال کاکہناتھا کہ لنک آفس میں تکنیکی خرابی کے باعث ڈاؤن نہیں ہوا بلکہ کینٹ ایریا میں مرمتی کام کے دوران ویب سائٹ کا لنک ڈاؤن ہوا ہے۔