لاہور: ڈیزل کی قیمتوں میں اضافے کے بعد انٹر سٹی کرایوں میں 5 فیصد اضافہ

لاہور میں پبلک ٹرانسپورٹرز نے ڈیزل کی قیمتوں میں اضافے کے بعد غیر اعلانیہ طور پر  انٹر سٹی کرایوں میں اضافہ کردیا۔

ٹرانسپورٹرز کی جانب سے انٹر سٹی کرایوں میں 5 فیصد تک اضافہ کیا گیا ہے، ٹرانسپورٹرز  نے مختلف روٹس پر کرایوں میں 10روپے سے200 روپے تک ازخود  اضافہ کردیا ہے۔ 

پاکستان پیٹرولیم ڈیلرز ایسوسی ایشن نے بھی نئے بجٹ میں لگائے گئے اعشاریہ پانچ فیصد کے ایڈوانس ٹیکس کو واپس نہ لینے پر 5 جولائی کو پیٹرول پمپس کی ہڑتال کا اعلان کیا۔

خیال رہے کہ حکومت کی جانب سے  یکم جولائی سے پیٹرولیم مصنوعات کی قیمتوں میں اضافہ کیا گیا تھا۔

حکومت نے پیٹرول کی قیمت میں 7 روپے سے زائد کا اضافہ کردیا

وزارت خزانہ نے پیٹرولیم مصنوعات میں اضافے کا نوٹیفکیشن بھی جاری کردیا ہے۔

پیٹرولیم لیوی میں یکم جولائی سے اضافہ نہیں ہورہا، نہ ہی کوئی فیصلہ ہوا: وزارت خزانہ

حکومت عوام پربوجھ نہیں ڈالنا چاہتی، مہنگائی میں کمی کیلئے اقدامات کیےجارہے ہیں: وزارت خزانہ