شیر افضل مروت ڈرائیور لیول کے لوگ ہیں جو جیت کر آگئے: فواد چوہدری

جہلم: سابق وفاقی وزیر فواد چوہدری نے پی ٹی آئی کے رہنما شیر افضل مروت کو ڈرائیور لیول کا  کہہ دیا۔

گزشتہ روز  میڈیا سے گفتگو کرتے ہوئے  شیر افضل مروت نے سابق وفاقی وزیر  پر  تنقید کرتے ہوئے کہا تھا کہ کہ ’فوادچوہدری کا حق نہیں بنتا کہ وہ پی ٹی آئی کی موجودہ قیادت پر تنقید کریں، فواد چوہدری اس روزپولیس کو دیکھ کر ایسےبھاگ رہے تھے جیسے ہتھنی بھاگ رہی ہو، فواد چوہدری کے اس بھاگنےکے عمل نے پوری پی ٹی آئی کا سر شرم سےجھکا دیاتھا‘۔

فواد چوہدری پولیس کو دیکھ کر ایسے بھاگے جیسے ہتھنی بھاگ رہی ہو: شیر افضل مروت

فواد چوہدری کے اس بھاگنےکے عمل نے پوری پی ٹی آئی کا سر شرم سےجھکا دیاتھا: رہنما پی ٹی آئی

ایک انٹرویو کے دوران فواد چوہدری نے شیر افضل سے متعلق  گفتگو  کرتے ہوئے کہا کہ یہ سارے ڈرائیور لیول کے لوگ ہیں جو جیت کر آگئے ہیں، ان  کی سیاسی خدمات کیا ہیں؟ ایسے لوگ حادثاتی طور پر سیاست میں آجاتے ہیں۔

فواد چوہدری نے کہا کہ ’شیر افضل مروت نے تو اپنے بیٹے کو ہی wonderfull بغیرت کہہ دیا  ان میں عقل ہی نہیں ہے، جب تک عمران خان جیل میں بند ہے اس وقت تک فلم بند ہے، یہ سب تو آئٹم سانگ چل رہے ہیں ان کو دیکھ کر انجوائے کریں‘؟ 

دوسری جانب سابق آرمی چیف سے متعلق بات کرتے ہوئے انہوں نے کہا کہ جنرل قمر جاوید باجوہ اچھے آدمی ہیں، ان کے خلاف  بات نہیں  کی نہ کرنا چاہتا ہوں لیکن میں ان سے مل کر پوچھنا چاہتا ہوں، انہوں نے  یہ سب کیوں کیا، جنرل باجوہ سے کہا تھا کہ الیکشن کروادیں لیکن  انہوں نے (ن) لیگ سے کہا کہ  الیکشن نہیں کروانے، اگر موجودہ آرمی چیف سے ہمارا رابطہ ہوجاتا تو چیزیں خراب نہ ہوتیں۔