پنجاب میں آٹے کی قیمت میں بڑی کمی کا اعلان

لاہور: پنجاب میں 20 کلو آٹے کے تھیلے کی قیمت میں 80 روپے تک کمی کا اعلان کردیا گیا۔ 

صوبائی وزیر خوارک بلال یاسین کی پاکستان فلور ملز ایسوسی ایشن کے نمائندگان سے ملاقات کے بعد فلور ملز نمائندگان نے آٹے کی قیمت میں کمی کا اعلان کیا۔ 

وزیر اعلیٰ پنجاب کی ہدایات پر صوبائی وزیر خوراک بلال یاسین نے پاکستان فلور ملز ایسوسی ایشن کے نمائندگان سے ملاقات کی جس کے بعد فلور ملز نمائندگان نے 20 کلو آٹے کے تھیلے کی قیمت میں 80 روپے کمی کا اعلان کیا۔

گندم کی قیمت بڑھنے کے بعد آٹا پھر مہنگا ہونے لگا

لاہور اور راولپنڈی ڈویژنز میں گندم کی قیمتیں بڑھتےہی آٹےکے تھیلے کی قیمت 150 روپے تک بڑھ گئی

بلال یاسین نے کہا کہ وزیر اعلیٰ پنجاب کی ہدایت پر عوامی ریلیف اولین ترجیح ہے، گندم کے اضافی اسٹاک کے  باوجود  آٹے کی قیمتوں میں اضافے  پر تشویش ہوئی۔

یاد رہے کہ پنجاب میں گندم کی نئی فصل آنے پر آٹےکی قیمتوں میں آنے والی کمی کے بعد  ایک بار پھر آٹے کی قیمت میں اضافہ ہونا شروع ہوگیا تھا۔