الیکشن دھاندلی کیس: جواب جمع ناکرانے پر 2 لیگی ارکان قومی اسمبلی پر جرمانہ عائد

اسلام آباد کے الیکشن ٹربیونل نے 8 فروری کے انتخابات میں مبینہ دھاندلی کے کیس میں جواب جمع نہ کرانے پر  مسلم لیگ ن کے رکن قومی اسمبلی طارق فضل چوہدری اور  راجا خرم نواز  پر جرمانہ عائد کر دیا۔ 

انتخابات میں مبینہ دھاندلی کی  پی ٹی آئی امیدواروں کی درخواستوں پر  سماعت الیکشن ٹربیونل کے جج جسٹس طارق محمود جہانگیری نے کی۔ 

 الیکشن ٹربیونل نے مسلم لیگ ن کے امیدواروں کو 3 دن میں فارم 45 اور 47 سمیت مکمل جواب جمع کرانے کا حکم دیا اور  مسلم لیگ ن کے کامیاب تینوں ارکان قومی اسمبلی سے دوبارہ بیانِ حلفی بھی طلب کر لیے۔ 

جسٹس طارق محمود جہانگیری نے جواب جمع نہ کرانے پر طارق فضل چوہدری اور راجا خرم نواز پر جرمانہ عائد کرتے ہوئے کہا کہ جب ٹربیونل فعال تھا تو  آپ نے آرڈر پر عملدرآمد کرنا تھا، تینوں پٹیشنز کی روزانہ کی بنیاد پر سماعت ہوگی اور  ہر حلقے کی الگ الگ سماعت ہوگی۔ 

اسلام آباد سے ن لیگ کے تینوں ارکان اسمبلی نے الیکشن ٹربیونل پر عدم اعتماد کر دیا

الیکشن کمیشن نے طارق فضل چوہدری ، انجم عقیل اور خرم نواز کی ٹربیونل کو تبدیل کرنے کی درخواستیں 4 جون کو سماعت کیلئے مقرر کر دیں۔

اسلام آباد ہائیکورٹ نے نئے الیکشن ٹربیونل کو کارروائی سے روک دیا

اگر قاعدہ قانون کےتحت چلنا ہے تو آرڈر کو چیلنج کریں، ٹریبونل کو ٹرانسفر نا کریں: چیف جسٹس اسلام آباد ہائیکورٹ