09 جولائی ، 2024 
خیبر پختونخوا: رواں سال 6 ماہ کے دوران کالعدم ٹی ٹی پی کے 297 شدت پسند مارے گئے
09 جولائی ، 2024
پشاور: خیبر پختونخوا میں رواں سال 6 ماہ کے دوران 640 انٹیلی جنس بیسڈ آپریشنوں میں کالعدم ٹی ٹی پی کے 297 شدت پسند مارے گئے۔
سکیورٹی ذرائع کے مطابق آپریشنوں کے دوران 510 دستی بم، 217 مار ٹرشیل، 34 آئی ای ڈی بم اور 11 ہزار497 ایس ایم جی سیمت دیگر اسلحہ برآمد کیا گیا۔
سکیورٹی ذرائع کے مطابق رواں سال صوبے کے 13 اضلاع میں شدت پسندوں کو ہلاک کیا گیا، جنوری میں 41، فروری میں 55 اور مارچ میں 52 شدت پسند مارے گئے جب کہ اپریل اور مئی میں 55 ،55 ہلاک ہوگئے، اس کے علاہو گزشتہ ماہ میں 39 شدت پسند مارے گئے۔
سکیورٹی ذرائع کا بتانا ہےکہ شمالی وزیرستان میں سب سے زیادہ 112، ڈیرہ اسماعیل خان میں 46، ٹانک میں 32، لکی مروت میں 30، خیبر میں 24 اور جنوبی وزیرستان میں 18 شدت پسند مارے گئے۔
قبائلی ضلع باجوڑ میں 10، پشاور اور بنوں میں 7،7 شدت پسند مارے گئے، کرم، کوہاٹ اور سوات میں 3،3 جب کہ مردان میں 2 شدت پسند مارے گئے۔
