09 جولائی ، 2024 
افغانستان: طالبان نے خواتین سرکاری ملازمین کی تنخواہوں میں کمی کردی
09 جولائی ، 2024
افغانستان میں قائم طالبان حکومت نے سرکاری محکموں میں کام کرنے والی خواتین کی تنخواہوں میں کمی کردی ہے۔
افغانستان میں 2021 میں قائم ہونے والی طالبان حکومت نے اپنی حکومت کے باقاعدہ قیام کے بعد خواتین کے کام کرنے پر پابندی عائد کردی تھی اور اس کے بعد اب خواتین کی تنخواہوں میں بھی کمی کردی گئی ہے۔
غیر ملکی میڈیا کی رپورٹ کے مطابق افغان وزیر خزانہ کے ترجمان کا بتانا ہے کہ خواتین جو گھر پر رہتی ہیں اور دفتر نہیں جاتیں ان کی ماہانہ تنخواہ 5000 ہزار افغانی (20 ہزار پاکستانی) ہے۔
خواتین کو الگ الگ مقامات پر کام کرنے کی اجازت دی گئی ہے جیسے کہ سرکاری اسپتال اور اسکولوں میں ان خواتین کو ان کی پوزیشن کے حساب سے تنخواہ ملے گی۔
رپورٹ میں بتایا گیا ہے کہ اس سے قبل افغانستان کے سرکاری محکموں میں کام کرنے والی خواتین کی تنخواہ تقریباً 35 ہزار افغانی (ایک لاکھ 37 ہزار پاکستانی) کے لگ بھگ تھی بشمول ان خواتین کے جو یونیورسٹی میں پڑھاتی تھیں۔
رپورٹ کے مطابق حکومتی وزارتوں کے ماتحت اداروں میں کام کرنے والی خواتین کی تنخواہ پہلے 20 ہزار افغانی تھی جسے طالبان حکومت آنے کے بعد کم کرکے 15 ہزار افغانی کردیا گیا تھا۔
مزید خبریں :
روس کا یوکرین پر اب تک کا سب سے بڑا ڈرون حملہ
9 گھنٹے پہلے
سعودی عرب کے مختلف شہروں میں آج بارش کا امکان، اسکول بند
26 نومبر ، 2024
کینیڈا: زو کیپر کی غفلت سے 2 سالہ گوریلا ہلاک
26 نومبر ، 2024
امریکا کے نومنتخب صدر ڈونلڈ ٹرمپ کے خلاف 6 جنوری کا کیس ختم
26 نومبر ، 2024
اسرائیل اور حزب اللہ کے درمیان جنگ بندی معاہدہ جلد ہونےکا امکان
25 نومبر ، 2024
