09 جولائی ، 2024 
پاکستان
عدالت نے ملزمان کو دو، دولاکھ روپے مچلکے جمع کرانے کا حکم دیا— فوٹو:فائل
اونٹنی کی ٹانگ کاٹنے کا کیس، 6 ملزمان کی ضمانت منظور
09 جولائی ، 2024
سانگھڑ کی عدالت نے اونٹنی کی ٹانگ کاٹنے کے کیس میں 6 ملزمان کی ضمانت منظور کرلی۔
سانگھڑ میں ایڈیشنل سیشن جج ون نے کیس پر سماعت کی۔ عدالت نے ملزمان کی صمانت منظور کرلی۔
عدالت نے ملزمان کو دو، دولاکھ روپے مچلکے جمع کرانے کا حکم دیا۔ ضمانت حاصل کرنے والے ملزمان میں دریا خان شر، جعفرجٹ، عابد شر، عبدالشکور شر، گل بیگ لاشاری اور رستم شر شامل ہیں۔
خیال رہے کہ گزشتہ دنوں سانگھڑ میں سنگ دل وڈیرے نے اپنے کھیت میں داخل ہونے پر اونٹنی کی ٹانگ کاٹ دی تھی۔ وڈیرے نے پہلے ملازمین کے ہمراہ اونٹ پر تشدد کیا پھر بھی غصہ ٹھنڈا نہ ہوا تو تیز دھار آلے سے اونٹنی کی ٹانگ کاٹ دی۔
