16 جولائی ، 2024 
غزہ: گزشتہ 5 روز میں اسرائیلی فورسز کے حملوں میں 300 سے زائد فلسطینی شہید
16 جولائی ، 2024
غزہ میں گزشتہ 5 دنوں میں اسرائیلی فورسز کے حملوں میں 300 سے زائد فلسطینی شہید اور 800 سے زائد زخمی ہوگئے۔
اقوام متحدہ کے سیکرٹری جنرل انتونیو گوتریس نے کہا ہےکہ غزہ میں کوئی بھی جگہ اب محفوظ نہیں رہی، ہر علاقے میں رہائشیوں کے مارے جانے کا خدشہ ہے، جنگ بندی کے معاہدے کے حصول کے لیے فریقین کو سیاسی جرات اور عزم کا مظاہرہ کرنا چاہیے۔
میڈیا رپورٹس کے مطابق غزہ میں گزشتہ 5 دنوں میں اسرائیلی فورسز کے حملوں میں 300 سے زائد فلسطینی شہید اور 800 سے زائد زخمی ہوگئے۔
دوسری جانب لبنانی مسلح تنظیم حزب اللہ نے اسرائیلی ٹھکانوں پر تین حملوں کا دعویٰ کیا ہے۔
غزہ کی وزارت صحت کے مطابق غزہ میں 7 اکتوبر سے شروع ہونے والے اسرائیلی حملوں میں اب تک 38 ہزار سے زائد فلسطینی شہید اور 88 ہزار سے زائد زخمی ہو چکے ہیں جن میں بچوں اور خواتین کی بڑی تعداد شامل ہے۔
مزید خبریں :
روس کا یوکرین پر اب تک کا سب سے بڑا ڈرون حملہ
6 گھنٹے پہلے
سعودی عرب کے مختلف شہروں میں آج بارش کا امکان، اسکول بند
10 گھنٹے پہلے
کینیڈا: زو کیپر کی غفلت سے 2 سالہ گوریلا ہلاک
10 گھنٹے پہلے
امریکا کے نومنتخب صدر ڈونلڈ ٹرمپ کے خلاف 6 جنوری کا کیس ختم
26 نومبر ، 2024
اسرائیل اور حزب اللہ کے درمیان جنگ بندی معاہدہ جلد ہونےکا امکان
25 نومبر ، 2024
