20 جولائی ، 2024 
امریکی صدربنا تو روس یوکرین جنگ کا خاتمہ کردوں گا، ٹرمپ کی زیلنسکی کو یقین دہانی
20 جولائی ، 2024
امریکا کے سابق صدر اور ریپبلکن صدارتی امیدوار ڈونلڈ ٹرمپ کا کہنا ہے کہ وہ امریکا کے صدر بنے تو روس یوکرین جنگ کا خاتمہ کریں گے۔
غیر ملکی میڈیا کے مطابق ڈونلڈ ٹرمپ نے یوکرین کے صدر ولودو میر زیلنسکی سے ٹیلیفونک رابطہ کیا اور انہیں یقین دہانی کروائی کہ اگر وہ امریکا کے صدر منتخب ہوئے تو روس کی جانب سے یوکرین کے خلاف شروع کی گئی جنگ کو ختم کر دیں گے۔
میڈیا رپورٹس کے مطابق سابق امریکی صدر روس یوکرین جنگ کے خاتمے کی بات اس قبل بھی کئی بار کر چکے ہیں۔
دوسری جانب یوکرین کے صدر نے بھی ڈونلڈ ٹرمپ سے ہونے والی گفتگو کی تصدیق سوشل میڈیا پر کی اور اپنی قوم کی آزادی اور تحفظ کے لیے امریکی حمایت کو سراہا۔
واضح رہے کہ روس اور یوکرین کی جنگ دو سال سے زائد عرصے سے جاری ہے جہاں یوکرین کو امریکا کی حمایت حاصل ہے، اس جنگ میں یوکرین کے مختلف علاقوں کو نشانہ بنایا گیا ہے اور بہت سی انسانی جانیں بھی ضائع ہوئی ہیں۔
حال ہی میں واشنگٹن میں امریکی صدر ڈونلڈ ٹرمپ کی زیر صدارت ہونے والے مغربی ممالک کے فوجی اتحاد نیٹو نے یوکرین کے لیے 41 ارب ڈالر کی امداد کی منظوری دی تھی جس میں 16 سولہ لڑاکا طیاروں کی کھیپ بھی شامل ہے۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
8 گھنٹے پہلے
غزہ پر اسرائیلی بمباری سے مزید 38 فلسطینی شہید
10 گھنٹے پہلے
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
