20 جولائی ، 2024 
پاکستان
یہ منصوبہ پبلک و پرائیویٹ پارٹنر شپ کے تحت ہوگا اور بس سروس چمکنی سے براستہ رنگ روڈ، اتوار بازار تک چلائی جائے گی: سرکاری ذرائع/ فائل فوٹو
وزیر اعلیٰ کے پی نے پشاور میں جدید بس سروس منصوبہ شروع کرنے کی منظوری دیدی
20 جولائی ، 2024
وزیر اعلیٰ خیبرپختونخوا علی امین گنڈاپور نے پشاور میں جدید بس سروس منصوبہ شروع کرنے کی منظوری دے دی۔
سرکاری ذرائع کے مطابق وزیراعلیٰ کے پی نے منظوری خیبر پختونخوا اربن موبیلیٹی اتھارٹی بورڈ کے اجلاس میں دی، یہ منصوبہ پبلک پرائیویٹ پارٹنر شپ کے تحت چلے گا۔
سرکاری ذرائع نے بتایا کہ بس سروس چمکنی سے براستہ رنگ روڈ، اتوار بازار تک چلائی جائے گی، چمکنی سے حیات آباد تک ابتدائی طور پر 100 بسیں چلائی جائیں گی جس سے ڈیڑھ لاکھ مسافر روز سفر کر سکیں گے۔
ایم ڈی خیبر پختونخوا اربن موبیلیٹی اتھارٹی عماد علی کا کہنا ہے کہ بس سروس کی وجہ سے بی آر ٹی پر رش کم ہوگا، بسوں کی تعداد کو ضرورت کے تحت 200 تک لے جایا جائے گا۔
