کشیدہ صورتحال، بنگلادیش میں پھنسے پاکستانی طلبہ کے والدین کی وزیراعظم سے مددکی اپیل

بنگلا دیش میں کشیدہ صورتحال کے باعث پاکستانی طلبہ بھی پھنس گئے ہیں، اہلخانہ نے  وزیرِاعظم شہباز شریف سے مددکی اپیل کی ہے۔

بنگلا دیش میں پاکستانی طلبہ سے رابطہ منقطع ہونے پر والدین پریشان ہیں۔ والدین کی جانب سے  وزیراعظم کی ایڈیشنل سیکرٹری کو خط لکھ کر مدد کی اپیل کی گئی ہے۔

بنگلادیش میں حالات بے قابو، امن و امان کی خلاف ورزی کرنیوالوں کو دیکھتے ہی گولی مارنےکا حکم

ہفتے کے روز احتجاج کے دوران پولیس نے مظاہرین پر فائر کھول دیا، 5 روز سے جاری پُرتشدد مظاہروں میں اموات کی تعداد 123 ہوگئی

خط میں کہا گیا ہےکہ بچے سارک کوٹہ کے تحت بنگلہ دیش کےکالجوں میں زیر تعلیم ہیں، بنگلہ دیش بالخصوص ڈھاکا اور ملحقہ شہروں میں کرفیو نافذ ہے، بنگلہ دیشی حکومت  نے تمام  طلباء کو  ہاسٹلز  سے نکال دیا ہے، ہمارے بچے بنگلا دیش میں ہاسٹلز کے احاطے میں محصور ہیں۔ والدین کی جانب سے بنگلا دیش میں پاکستان کے ہائی کمشنر سے رابطےکی درخواست کی گئی ہے۔

والدین کا کہنا ہےکہ تمام پاکستانی طلبہ کی محفوظ اور جلد از جلد واپسی کو یقینی بنایا جائے، پاکستانی طلبہ کے لیےکھانے  پینےکی اشیاء کا بندوبست کیا جائے، طلبہ سے رابطہ نہ ہونا اہلخانہ کے لیے افسوسناک اور تشویشناک ہے، طلبہ سے رابطہ یقینی بنایا جائے۔

ترجمان دفترخارجہ کا مؤقف 

دوسری جانب  ترجمان دفترخارجہ کا کہنا ہےکہ بنگلادیش میں تمام پاکستانی طلبہ محفوظ ہیں۔

بنگلادیش کی صورتحال کے حوالے سے ترجمان دفتر خارجہ کی جانب سے جاری بیان میں کہا گیا ہےکہ ڈھاکا میں ہمارا مشن تمام طلبہ سے رابطے میں ہے، ہمارے ڈپٹی ہیڈ آف  مشن  نے چٹاگانگ کا دورہ کرکے طلبہ سے ملاقات کی ہے۔

ترجمان دفترخارجہ کا کہنا ہےکہ  بنگلادیش میں تمام پاکستانی طلبہ محفوظ ہیں، ہائی کمیشن نے طلبہ کو محفوظ مقامات  پر جگہ دی ہے، محفوظ مقامات  میں سفیر کی رہائش گاہ  اور کچھ دیگر مقامات شامل ہیں۔

خیال رہے کہ  بنگلا دیش میں سرکاری ملازمتوں کےکوٹہ سسٹم کے خلاف طلبہ کے احتجاج میں شدت آگئی ہے، احتجاج پر قابو پانے کے لیے ملک بھر میں کرفیو نافذ کردیا گیا ہے اور امن و امان کی خلاف ورزی کرنے والوں کو دیکھتے ہی گولی مارنےکا حکم دے دیا گیا ہے۔

غیر ملکی میڈیا کے مطابق بنگلادیش میں 5 روز سے جاری پُرتشدد مظاہروں میں اموات کی تعداد 123 ہوگئی ہے۔

کوٹہ سسٹم کیخلاف طلبہ احتجاج میں شدت، بنگلادیش بھر میں کرفیو نافذ، فوج طلب

بنگلادیشی وزیر اعظم کے دفتر کی جانب سے بتایا گیا ہے کہ کرفیو نافذ کرنے اور فوج طلب کرنے کا فیصلہ سول انتظامیہ کی مدد کے لیے کیا گیا ہے۔

بنگلادیش: کوٹہ سسٹم کیخلاف احتجاج میں آج 70 سے زائد افراد ہلاک، مجموعی  تعداد  105 ہوگئی

جمعے کے روز ہونے والے احتجاجی مظاہروں میں کم و بیش 75 افراد ہلاک ہوئے، صرف ڈھاکا شہر میں 52 افراد کی ہلاکتیں ہوئیں۔