20 جولائی ، 2024 
متحدہ عرب امارات میں حسینہ حکومت کیخلاف احتجاج کرنے پر بنگلادیشی تارکین وطن گرفتار
20 جولائی ، 2024
متحدہ عرب امارات نے اپنی سرزمین پر بنگلادیش کی وزیراعظم شیخ حسنیہ کے خلاف احتجاج کرنے والے بنگلادیشی تارکین وطن کو گرفتار کرلیا۔
بنگلا دیش میں سرکاری ملازمتوں کےکوٹہ سسٹم کے خلاف طلبہ کے احتجاج میں شدت آگئی، احتجاج پر قابو پانے کیلئے ملک بھر میں کرفیو نافذ کردیا گیا ہے اور امن و امان کی خلاف ورزی کرنے والوں کو دیکھتے ہی گولی مارنےکا حکم دے دیا گیا ہے۔
حکومت مخالف احتجاج میں 133 افراد ہلاک اور سیکڑوں زخمی ہوگئے۔
فرانسیسی خبر ایجنسی اے ایف پی کے مطابق متحدہ عرب امارات نے اپنی سرزمین پر بنگلادیشی حکومت کے خلاف احتجاج کرنے پر بنگلادیشی تارکین وطن کو گرفتار کرلیا۔
اماراتی پراسیکیوٹر نے بیان میں واضح نہیں کیا کہ احتجاج کرنے والے کتنے بنگلادیشی تارکین وطن کو گرفتار کیا گیا یا انہوں نے کہاں احتجاج کیا؟
اماراتی پراسیکیوٹر کا کہنا ہے کہ گرفتار افراد نے عوامی مقام پر جع ہونے اور بد امنی پھیلانے کے جرم کا ارتکاب کیا اور ان افراد کو اماراتی مفاد اور سکیورٹی کو نقصان پہنچانے کے الزام میں حراست میں لے لیا گیا ہے۔
اماراتی وزارت خارجہ کے مطابق متحدہ عرب امارات میں پاکستان اور بھارت کے بعد بنگلادیشی تارکین وطن کی بڑی تعداد موجود ہے۔
خیال رہے کہ متحدہ عرب امارات نے احتجاج مظاہروں پر پابندی عائد کر رکھی ہے۔
مزید خبریں :
روس کا یوکرین پر اب تک کا سب سے بڑا ڈرون حملہ
2 گھنٹے پہلے
کینیڈا: زو کیپر کی غفلت سے 2 سالہ گوریلا ہلاک
6 گھنٹے پہلے
اسرائیل اور حزب اللہ کے درمیان جنگ بندی معاہدہ جلد ہونےکا امکان
25 نومبر ، 2024
