22 جولائی ، 2024 
’دعا کریں اللہ آپکو بھی اس قابل بنائے‘ نعمان اعجاز امبانی فیملی کی شادی کے ناقدین پر برہم
22 جولائی ، 2024
سینئر اداکار نعمان اعجاز نے ایشیا کی امیر ترین شخصیت مکیش امبانی کے بیٹے اننت امبانی کی شادی پر تنقید کرنے والوں پر برہمی کا اظہار کیا ہے۔
حال ہی میں اننت امبانی اور رادھیکا مرچنٹ کی شادی کو بھارتی میڈیا پر ایشیا کی امیر ترین شادی کہا جارہا ہے، اس پرتعیش شادی میں پرفارمنس کیلئے جہاں بالی وڈ و ہالی وڈ کی مہنگی ترین شخصیات کا انتخاب کیا گیا وہیں دنیا کے مقبول ترین لوگ بھی اس مہنگی ترین شادی میں بطور مہمان شریک ہوئے۔
اننت رادھیکا کی شادی کی تقریبات ختم ہونے کے باوجود تاحال سوشل میڈیا پر امبانی فیملی کے ملبوسات اور زیورات زیر بحث ہیں، اس بحث میں متعدد صارفین شادی پر پیسے کے بے تحاشا ضیاع پر کڑی تنقید کررہے ہیں جس پر سینئر اداکار نعمان اعجاز نے برہمی کا اظہار کیا ہے۔
سوشل میڈیا پوسٹ میں نعمان اعجاز نے لکھا کہ ’ایک چیز مجھے سمجھ نہیں آرہی کہ آپ کون ہو جو امبانی فیملی کی شادی پر تنقید کرے، خوشی ان کی، شادی ان کی، پیسہ ان کا، انجوائمنٹ ان کی، ہم اتنی دور بیٹھ کر ان کی خوشی اور پیسے پر تنقید کررہے ہیں، آپ کو اتنی تشویش کیوں ہے؟
نعمان اعجاز نے اننت اور رادھیکا کی شادی پر تنقید کرنیوالوں کو مشورہ دیتے ہوئے لکھا کہ ’ اگر آپ کو یہ سب نہیں پسند تو نظر انداز کریں ناکہ احتجاج کریں، رائے دینا آپ کا حق ہے لیکن مطمئن رہیں اور دعا کریں اللہ آپ کو بھی اس قابل بنائیں‘۔
مزید خبریں :
بھارتی فلم ’پشپا 2‘ کی وجہ سے انتہائی مطلوب گینگسٹر پکڑا گیا
23 دسمبر ، 2024
