14 جولائی ، 2024 
اننت امبانی کی شادی پر پاکستانی ڈیزائنر کے ملبوسات کی دھوم
14 جولائی ، 2024
بھارتی ارب پتی بزنس مین مکیش امبانی کے چھوٹے بیٹے اننت امبانی کی شادی پر پاکستانی ڈیزائنر کے ملبوسات بھی توجہ کا مرکز رہے۔
مہینوں چلنے والی اننت امبانی کی شادی بلآخر اختتام پزیر ہوگئی، اس شادی میں نہ صرف بالی وڈ بلکہ ہالی وڈ کے ستاروں کے ساتھ ساتھ اسپورٹس سے تعلق رکھنے والی مشہور شخصیت نے بھی شرکت کی۔
فلمی دنیا کے ستارے ایک سے بڑھ کر ایک ملبوسات میں نظر آئے جن کی اننت کی شادی کیلئے تیاری دیدنی رہی۔
ایسے میں جہاں بھارتی ڈیزائنر کے کپڑوں کو پہنا گیا وہیں پاکستان کے مشہور ڈیزائنر اقبال حسین، فراز منان اور محسن نوید رانجھا کے تیار کردہ ملبوسات بھی ارب پتی بھارتی تاجر کے بیٹے کی شادی میں نمایاں رہے۔
بالی وڈ کی مشہور اداکارہ سارا علی خان، عالیہ بھٹ، کینیڈین گلوکار اے پی ڈھلن اور بھارتی کرکٹر ہاردک پانڈیا نے پاکستانی ڈیزائنر کےکپڑے زیب تن کیے۔
بھارتی کرکٹر ہاردک پانڈیا نے بھی ہلکے گلابی رنگ کے جوڑے کا انتخاب کیا جسے پاکستانی ڈیزائنر فراز منان نے ڈیزائن کیا۔
کالے رنگ کے جوڑے میں عالیہ بھٹ کو خوب پسند کیا گیا جو پاکستانی ڈیزائنر فراز منان کا تیار کردہ تھا۔
مزید خبریں :
بھارتی فلم ’پشپا 2‘ کی وجہ سے انتہائی مطلوب گینگسٹر پکڑا گیا
23 دسمبر ، 2024
