پیرس اولمپکس میں پاکستان کے دونوں سوئمرز کل ایکشن میں ہوں گے

پیرس اولمپکس میں پاکستان کے دونوں سوئمرز کل ایکشن میں ہوں گے جہاں آرا خواتین کی 200 میٹر فری اسٹائل جبکہ احمد درانی مردوں کے 200 میٹر فری اسٹائل کیلئے پول میں اتریں گے۔

پیرس اولمپکس میں پاکستان کے دونوں سوئمرز نے یونرسلٹی کوٹے پر انٹری حاصل کی ہے اور دونوں ہی اتوار کو ایکشن میں ہوں گے۔

مردوں کی 200 میٹر فری اسٹائل میں احمد درانی سمیت 28 سوٰئمرز چار ہیٹس میں ایکشن میں ہوں گے۔ احمد درانی پہلی ہیٹ میں دیگر تین سوئمرز کے ساتھ پول میں اتریں گے جس میں شام کے عمر عباس، سلوانیہ کے ساسو بوسکان اور سربیا کے ویلیمر سیپانووچ شامل ہیں۔

پیرس اولمپکس: پاکستانی شوٹرز 10 میٹر ائیر پسٹل مقابلوں کے فائنل راؤنڈ میں جگہ نہ بناسکے

خواتین کے مقابلوں میں کشمالہ طلعت 31 ویں پوزیشن پر رہیں اور مینز ایونٹ میں گلفام کا 22 واں نمبر رہا

احمد درانی کا انٹری ٹائم ایک منٹ 55 اعشاریہ 68 سیکنڈز تمام مقابل سوئمرز میں سب سے زیادہ ہے۔

تمام ہیٹس کے بعد 28 میں سے 16 بہترین ٹائمنگ کے سوئمرز سیمی فائنل کیلئے کوالیفائی کریں گے۔

دوسری جانب خواتین کی 200 میٹر فری اسٹائل میں جہاں آرا نبی سمیت 31 سوئمرز ایکشن میں ہوں گی۔ جہاں آرا پہلی ہیٹ میں دیگر 6 سوئمرز کے ساتھ نامزد ہیں جن میں بھارتی سوئمر بھی شامل ہیں۔

بھارت کی دھینڈھی دیسنگھو، سعودی عرب کی میشاری مشال، نیپال کی ڈوانا لاما، یو اے ای کی ماہا الشہی کے علاوہ لاوس اور البانیہ کے سوئمرز بھی پہلی ہیٹ میں جہاں آرا کے ساتھ پول میں اتریں گے۔

خواتین کی 200 میٹر میں 31 میں سے 16 بہترین سوئمرز سیمی فائنل کیلئے کوالیفائی کریں گی۔ سیمی فائنل کوالیفائی کرنے کی صورت میں دونوں ایتھلیٹس شام میں پھر ایکشن میں ہوں گے۔