28 جولائی ، 2024 
ہیپاٹائٹس جیسی خاموش وبا کے خاتمے میں تاخیر کے متحمل نہیں ہو سکتے: وزیر اعظم
28 جولائی ، 2024
ہیپاٹائٹس کے عالمی دن کے موقع پر وزیر اعظم محمد شہباز شریف نے قوم کے نام پیغام میں کہا کہ پاکستان میں ایک بہت بڑی آبادی ہیپاٹائٹس سی کے انفیکشن سے متاثر ہے۔
وزیراعظم نے کہا کہ آج دنیا بھر میں ہیپاٹائٹس سے آگاہی کا عالمی دن منایا جا رہا ہے، ہیپاٹائٹس کی روک تھام کے لیے فوری کام کرنے کی ضرورت ہے۔
انہوں نے کہا کہ ہیپاٹائٹس کے خاتمے کے حوالے سے اقدامات میں تاخیر کے متحمل نہیں ہو سکتے، اس بیماری کو ختم کرنے اور صحتمند مستقبل کویقینی بنانےکے لیے مل کر کام کرنے کی ضرورت ہے۔
شہباز شریف نے یہ بھی کہا کہ ہیپاٹائٹس ایک خاموش وبا ہے جو دنیا بھر میں لاکھوں لوگوں کو متاثر کرتی ہے، بر وقت علاج نہ کیا جائے تو ممکنہ طور پر شدید پیچیدگیاں پیدا ہو سکتی ہیں۔
انہوں نے اپنے پیغام میں یہ بھی کہا کہ پاکستان میں ایک بہت بڑی آبادی ہیپاٹائٹس سی انفیکشن سے متاثر ہے، عالمی سطح پر 60 ملین ہیپاٹائٹس سی کیسز میں سے 10ملین کیسز پاکستان میں ہیں، بحیثیت قوم، ہمیں ہیپاٹائٹس کی روک تھام کو ترجیح دینی ہے۔
وزیراعظم نے مزید کہا کہ حکومت ہیپاٹائٹس کی وجہ سے درپیش چیلنجزپر قابو پانے کے لیے پر عزم ہے، ہر شہری کو ہیپاٹائٹس سی کے لیے اسکریننگ اور علاج کی سہولیات تک مفت رسائی حاصل ہوگی۔
مزید خبریں :
ذیابیطس کا شکار ہونے کا عندیہ دینے والی عام علامات
9 گھنٹے پہلے
وہ کون سے مشروبات ہیں جو آپ کے جگر کو تباہ کر رہے ہیں؟
14 نومبر ، 2024
گریوں کا استعمال دماغی مرض ڈیمینشیا سے بچانے کیلئے مفید
13 نومبر ، 2024
ناشتہ نہ کرنے کی عادت سے صحت کو ہونے والے سنگین نقصان کا انکشاف
13 نومبر ، 2024
کیا چائے نظام ہاضمہ خراب کردیتی ہے؟ حیران کن حقائق
12 نومبر ، 2024
