30 جولائی ، 2024 
وقار یونس کو چیئرمین پی سی بی کے ایڈوائزر برائے کرکٹ افیئرز کا عہدہ ملنے کا امکان
30 جولائی ، 2024
پاکستان کرکٹ بورڈ کی جانب سے سابق کپتان وقار یونس کو دوبارہ پی سی بی میں عہدہ ملنے کا امکان ہے۔
ذرائع کے مطابق چیئرمین پاکستان کرکٹ بورڈ محسن نقوی نے کرکٹ کے معاملات سابق کپتان وقار یونس کو سونپنے کا فیصلہ کر لیا ہے۔
ذرائع کا کہنا ہے کہ چیئرمین محسن نقوی صرف بورڈ کے انتظامی امور دیکھا کریں گے۔
ذرائع کے مطابق وقاریونس چیئرمین پی سی بی کے ایڈوائزر برائےکرکٹ افیئرز ہوں گے، وہ اس وقت کنسلٹنٹ کی ذمے داریاں نبھائیں گے۔
ذرائع کا کہنا ہے کہ سابق کپتان وقاریونس تمام کرکٹ امور کے ذمے دار ہوں گے۔
ذرائع کے مطابق وقار یونس قومی ٹیم سے متعلقہ تمام امور کے نگران ہوں گے، وہ نیشنل سلیکشن کمیٹی وائٹ بال اور ریڈ بال کوچز کو دیکھیں گے۔
واضح رہے کہ پی سی بی آئین 2014 کے مطابق چیئرمین اپنی پاور کسی کو سونپنے کا اختیار رکھتے ہیں۔
