کراچی میں داماد نے فائرنگ کرکے سسر کو قتل کر دیا

کراچی کے علاقے اورنگی ٹاؤن میں داماد نے فائرنگ کر کے سسر کو قتل کر دیا۔

پولیس کے مطابق اورنگی ٹاؤن کے علاقے پیرآباد قصبہ کالونی میں گھر میں جھگڑے کے دوران داماد نے فائرنگ کرکے اپنے سسر کو قتل کر دیا، مقتول کی شناخت 50 سالہ گل روز کے نام سے ہوئی۔

پولیس حکام کا کہنا ہے کہ واقعے کے بعد ملزم فرار ہو گیا، ملزم داماد اور مقتول کے ایک دوسرے پر پہلے بھی مقدمات درج ہیں۔

پولیس کا کہنا ہے کہ سسر کو قتل کرنے والے داماد کی تلاش کے لیے چھاپے مارے جا رہے ہیں۔