02 اگست ، 2024 
پیرس اولمپکس: بھارتی شوٹر کے وارے نیارے، معاہدوں کی فیس کروڑوں میں چلی گئی
02 اگست ، 2024
پیرس اولمپکس میں بھارت کی جانب سے دو برانز میڈلز جیتنے والی شوٹر منو بھاکر کے وارے نیارے ہوگئے۔
بھارتی میڈیا کا کہنا ہے کہ اولمپک میڈلز کے بعد معاہدوں کے لیے 40 برانڈز نے منو بھاکر سے رابطے کر لیے ہیں۔
غیر ملکی میڈیا کے مطابق منو بھاکر کے معاہدے کرنے کی فیس 20 لاکھ سے بڑھ کر کروڑوں میں چلی گئی ہے اور وہ راتوں رات برانڈز کے لیے سپر اسٹار بن گئی ہیں۔
اس بارے میں اسپورٹس کمپنی کا کہنا ہے کہ اسپانسر شپ معاہدوں کے لیے 40 برانڈز نے رابطے کیے ہیں اور ہم طویل المدتی معاہدے کرنے کے خواہش مند ہیں جب کہ دو تین معاہدے ہو چکے ہیں۔
اسپورٹس کمپنی کا یہ بھی کہنا ہے کہ معاہدہ اب 20 ،25 لاکھ سے ایک سال کے لیے ڈیڑھ کروڑ بھارتی روپے تک پہنچ گیا ہے۔
اسپورٹس کمپنی کے مطابق ایک سے 3 ماہ کے ڈیجیٹل معاہدوں کی آفرز ہیں لیکن طویل المدتی معاہدے چاہتے ہیں۔
واضح رہے کہ 22 سالہ منو بھاکر نے 10 میٹر ائیر پسٹل اور مکسڈ ٹیم میں دو میڈلز جیتے ہیں۔
مزید خبریں :
آئی سی سی نے چیمپئنز ٹرافی کے شیڈول کا اعلان کر دیا
24 دسمبر ، 2024
