03 اگست ، 2024 
انگلینڈ: ساؤتھ پورٹ میں انتہاپسندوں نے پولیس اسٹیشن کو آگ لگادی، اہلکاروں پر پتھراؤ
03 اگست ، 2024
انگلینڈ کے علاقے ساؤتھ پورٹ میں چاقو زنی سے بچوں کی موت کے بعد دائیں بازو کے انتہاپسندوں کی جانب سے اشتعال انگیزی جاری ہے۔
سندرلینڈ میں فسادیوں نے مرکزی پولیس اسٹیشن کو آگ لگادی اور اہلکاروں پر پتھراؤ کیا, پولیس اہلکاروں پر آگ بجھانے والے آلات سے بھی حملے کیے گئے۔
انتہاپسندوں کی جانب سے علاقے میں ایک گاڑی کو آگ لگادی گئی جبکہ ساؤتھ پورٹ میں ایک پاکستانی کو بھی چاقو مار کر زخمی کردیا گیا۔
عینی شاہد خاتون کا کہنا ہے کہ چاقو مارنے کی واردات کراسبی ٹرین اسٹیشن کے قریب پیش آئی، چاقو سے حملہ کرنے والا سفید فام تھا، پولیس اور ایمبولینس 25 منٹ بعد مدد کو پہنچے۔
دوسری جانب لیورپول میں مسجد کے باہر دو حریف گروہوں کے درمیان جھگڑا بھی ہوا ہے جس کے بعد علاقے میں کشیدگی پھیل گئی ہے۔
مظاہرین امیگرینٹس کیخلاف نعرے لگا رہے تھے جبکہ مسجد کے باہر کھڑے افراد کا کہنا تھا کہ برطانیہ میں نازی ازم برداشت نہیں کیا جائے گا۔
پولیس نے واضح کیا ہے کہ یہ ناقابل قبول صورتحال کسی صورت برداشت نہیں کی جائے گی۔
برطانوی وزیرداخلہ نے خبردار کیا ہے کہ فسادیوں کو اپنے جرائم کا حساب دینا پڑے گا۔
مزید خبریں :
حزب اللہ کے راکٹ حملے میں اسرائیلی شہری ہلاک
5 گھنٹے پہلے
چچا کے تھپڑ مارنے پر 3 سالہ بھتیجی جان سے چلی گئی
6 گھنٹے پہلے
