03 اگست ، 2024 
پی سی بی کو ایڈوائزر کرکٹ افیئر کی تلاش، اشتہار دے دیا
03 اگست ، 2024
لاہور: پاکستان کرکٹ بورڈ نے ایڈوائزر کرکٹ افیئر کی تلاش کیلئے اشتہار دے دیا۔
پی سی بی کی جانب سے ایڈوائزر کرکٹ افیئر کیلئے دیے گئے اشتہار میں پروفیشنل کرکٹ کے کھلاڑی یا کوچ کی حیثیت سے تجربہ ضروری قرار دیا گیا ہے۔
اشتہار میں کھلاڑیوں اور کوچنگ اسٹاف کی مینٹورنگ اور ڈیولپمنٹ کا ٹریک ریکارڈ بھی ضروری قرار دیا گیا ہے۔
اشتہار کے مطابق ایڈوائزر کرکٹ افیئر قومی کرکٹ ٹیموں کی پرفارمنس میں بہتری کے لیے اپنے تجربے کی روشنی میں رہنمائی کرے گا اور حکمت عملی بنانے کے لیے اپنے مشورے دے گا۔
ایڈوائزر کرکٹ افیئر قومی ٹیموں کے کوچز اور قومی سلیکشن کمیٹیوں کو دیکھے گا جب کہ ٹیم کی پرفارمنس کی بہتری اور کھلاڑیوں کی ڈیولپمنٹ کے لیے ہائی پرفارمنس کوچنگ سینٹرز کے ساتھ کو آرڈینیٹ کرے گا۔
اشتہار کے مطابق خواہش مند امید وار 19 اگست تک درخواستیں جمع کرسکتے ہیں۔
واضح رہے کہ سابق کپتان وقار یونس پہلے ہی چند روز قبل ایڈوائزر کرکٹ افئیرز کی ذمہ داری سنبھال چکے ہیں۔
مزید خبریں :
بابر اعظم نے ٹیسٹ کرکٹ میں اہم سنگ میل عبور کر لیا
27 دسمبر ، 2024
کوہلی کو آسٹریلوی بیٹر کو کندھا مارنا بھاری پڑگیا، جرمانہ عائد
26 دسمبر ، 2024
کراچی میراتھون 2025 کیلئے رنرز کی تیاری زور شور سے جاری
26 دسمبر ، 2024
چیمپئنز ٹی ٹوئنٹی کپ کا ٹائٹل اسٹالینز نے جیت لیا
26 دسمبر ، 2024
سابق بھارتی کرکٹر کے والد کو غبن کے جرم میں 7 سال قید کی سزا
26 دسمبر ، 2024
