پیرس اولمپکس میں میڈلز مقابلوں کے 8 ویں روز بھی چین کی بالادستی برقرار رہی

پیرس اولمپکس میں میڈلز مقابلوں کے 8 ویں روز بھی چین کی بالادستی برقرار رہی، چین 16 گولڈ میڈلز کے ساتھ ٹاپ پوزیشن پر ہے۔

گیمز کے 8ویں روز امریکی ایتھلیٹس نے بھی عمدہ پرفارمنس کے ذریعے اپنے ملک کو 14 گولڈ میڈلز کے ساتھ دوسری پوزیشن پر پہنچادیا۔

اولمپکس مقابلوں کے 8ویں روز شوٹنگ کے 25 میٹر وویمن پسٹل ایونٹ میں جنوبی کوریا کی جن یانگ نے گولڈ میڈل جیتا، ویمن روئنگ سنگل اسکلز کا فائنل نیدرلینڈز کی فلورجن کیرولین کے نام رہا۔

روئنگ وویمن ایٹ اے فائنل رومانیہ کے نام رہا، روئنگ مینز ایٹ اے فائنل برطانیہ نے جیتا، روئنگ مینز سنگل اسکلز میں جرمنی کے زیلڈر اولیور نے گولڈ میڈل حاصل کیا۔

ٹینس کے مینز ڈبلز ایونٹ میں آسٹریلین جوڑی گولڈ میڈل کی حقدار رہی۔

ایکوسٹیرین کے ڈریسج ٹیم گراں اسپیشل میں جرمنی نے گولڈ میڈل حاصل کیا ، مینز روڈ سائیکلنگ میں بیلجیئم گولڈ میڈل کا حقدار رہا۔

سیلنگ کے وویمن ونڈ سرفنگ ایونٹ میں اٹلی نے گولڈ میڈل جیتا جبکہ سیلنگ کے مینز ونڈ سرفنگ میں اسرائیل کو گولڈ میڈل ملا۔

ٹینس کے وویمن سنگلز ایونٹ میں چین کی زینگ کن وین نے کروشیا کی ڈونا ویکیک کو ہرا کر گولڈ میڈل جیتا، ٹیبل ٹینس کے وویمن سنگلز ایونٹ میں چین کی جوڑی گولڈ میڈل کی حق دار ٹھری۔

آرچری میں جنوبی کوریا نے گولڈ میڈل حاصل کیا، بیڈمنٹن کے وویمن ایونٹ میں چین کی جوڑی نے ہم وطن پیئر کو شکست دے کر گولڈ میڈل اپنے نام کیا، آرٹسٹک جمناسٹکس کے مینز فلور ایکسرسائز کا فائنل فلپائن کے نام رہا۔

شوٹنگ کے مینز اسکیٹ فائنل میں امریکا نے گولڈ میڈل جیتا، آرٹسٹک جمناسٹکس وویمن والٹ کا فائنل نامور ایتھلیٹ امریکا کی سیمون بائلز کے نام رہا۔ آرٹسٹک جمناسٹکس کے مینز پومل ہارس میں آئرلینڈ نے گولڈ میڈل جیتا۔

جوڈو کے مکسڈ ٹیم ایونٹ کے فائنل میں فرانس نے جاپان کو تین کے مقابلے میں چار پوائنٹس سے شکست دے کر سونے کا تمغہ جیت لیا۔

فینسنگ میں وویمن سیبر ٹیم کا گولڈ میڈل یوکرین نے جیتا۔

امریکی خاتون سوئمر نے اولمپکس کا 50 سالہ ریکارڈ برابر کر دیا

50 سال قبل سویت جمناسٹ نے 9 گولڈ میڈلز جیت کر سب سے زیادہ اولمپک گولڈ جیتنے والی خاتون ایتھلیٹ ہونے کا ریکارڈ بنایا تھا

ایتھلیٹکس میں مینز شاٹ پٹ کا فائنل امریکا کے ریان کراؤسر کے نام رہا ، وہ مسلسل تیسری بار اس ایونٹ کا اولمپک گولڈ حاصل کرنے میں کامیاب ہوئے۔

وویمن ٹرپل جمپ کا فائنل ڈومینیکا کی تھیا لافونڈ نے جیتا، یہ ڈومینیکا کا اولمپک کی تاریخ میں پہلا میڈل بھی تھا۔

سوئمنگ کے مینز 100 میٹر بٹر فلائی فائنل میں ہنگری کے کرسٹوف ملاک نے کامیابی حاصل کی۔ اس کے علاوہ ایتھلیٹکس میں چار ضرب 400 میٹر ریلے مکسڈ کا فائنل نیدرلینڈز نے اپنے نام کیا۔

سوئمنگ میں وویمن 200 میٹر انفرادی میڈلے میں کینیڈا کی پیراک سمر میکنٹوش نے کامیابی سمیٹی۔ ایتھلیٹکس میں وویمن 100 میٹر ریس کا فائنل سینٹ لوشیا کی جولین الفریڈ نے جیتا ، اولمپک کی تاریخ میں یہ سینٹ لوشیا کی تاریخ کا پہلا میڈل بھی ہے۔

اس کے علاوہ سوئمنگ میں وویمن 800 میٹر فری اسٹائل فائنل امریکا کی کیٹی لیڈیکی نے جیتا،سوئمنگ کا مکسڈ چار ضرب 100 میٹر میڈلے ریلے کا فائنل امریکا نے نئے عالمی ریکارڈ کے ساتھ جیت لیا۔

8 ویں روز میڈلز ٹیبل کی صورتحال: