06 اگست ، 2024 
سندھ حکومت کا بس اڈوں کو کراچی سے باہر منتقل کرنے کا فیصلہ
06 اگست ، 2024
کراچی: سندھ حکومت نے بس اڈوں کو شہر سے باہر منتقل کرنے کا فیصلہ کیا ہے۔
کراچی میں میڈیا سے گفتگو کرتے ہوئے سینئر صوبائی وزیر شرجیل میمن نے کہا کہ کراچی میں موجود تمام بس اڈوں کو شہر سے باہر منتقل کیا جارہا ہے اور شہر سے بس اڈوں تک شٹل سروس چلائی جائے گی۔
انہوں نے کہا کہ ہیوی گاڑیوں کی وجہ سے بھی شہریوں کو تکالیف کا سامناہے اور اس سے سڑکوں پر بھی دباؤ بڑھتا ہے، تمام بس اڈوں (انٹر سٹی) کو کراچی شہر سے باہر منتقل کیا جارہا ہے۔
شرجیل میمن کا کہنا تھا کہ بس ٹرمینل میں مزید جدید سہولیات فراہم کی جا رہی ہیں، کراچی بس ٹرمینل پر پولیس کی چیک پوسٹ بھی بنائی جا رہی ہے جب کہ کینٹ اسٹیشن، صغیر شہید روڈ، ایم اے جناح روڈ اور الکرم اسکوائر سے بس اڈوں تک شٹل سروس چلائی جائے گی۔
شرجیل میمن نے متعلقہ حکام کو ہدایت کی کہ تمام اسٹیک ہولڈرز کے مفادات کا خیال رکھتے ہوئے اقدامات کیے جائیں اور ایسے اقدامات کیے جائیں کہ ٹرانسپورٹرز کو نقصان نہ ہو اور مسافروں کو ریلیف مل سکے۔
مزید خبریں :
پاکستان کی بیلاروس کو رکشے برآمدکرنےکی پیشکش
10 گھنٹے پہلے
سونےکی قیمت میں مسلسل چھٹے روز اضافہ، فی تولہ سونا کتنےکا ہوگیا؟
23 نومبر ، 2024
پاکستانی روپے کی قدر میں اضافہ، ڈالر مزید سستا ہوگیا
22 نومبر ، 2024
سونے کی قیمت میں بڑا اضافہ، فی تولہ کتنے کا ہوگیا؟
22 نومبر ، 2024
دفاعی نمائش آئیڈیاز میں غیر ملکی کمپنیوں سے معاہدے طے پاگئے
22 نومبر ، 2024
