06 اگست ، 2024 
جرائم
تھانہ ہمک کے علاقے میں نجی بینک میں ایک کروڑ روپے کی ڈکیتی کی واردات ہوئی— فوٹو:فائل
اسلام آباد میں ڈاکوؤں نے عملے کو یرغمال بنا کر نجی بینک لوٹ لیا
06 اگست ، 2024
وفاقی دارالحکومت اسلام آباد میں ڈاکوؤں نے عملے کو یرغمال بنا کر بینک لوٹ لیا۔
اسلام آباد تھانہ ہمک کے علاقے میں نجی بینک میں ایک کروڑ روپے کی ڈکیتی کی واردات ہوئی جس کا مقدمہ درج کرلیا گیا۔
بینک منیجر کی تحریری درخواست پر ڈکیتی کا مقدمہ درج کیا گیا۔
ایف آئی آر کے مطابق پانچ سے 6 ڈاکوؤں نے بینک عملے کو یرغمال بنایا، ڈاکوؤں نے سکیورٹی گارڈ سے اسلحہ بھی چھین لیا۔
ایف آئی آر کے متن میں کہا گیا ہے کہ ڈاکو کیش کاؤنٹر سے تھیلے پیسوں سے بھرتے رہے۔ دوسری جانب پولیس کا کہنا ہے کہ بینک سے سی سی ٹی وی فوٹیج بھی حاصل کرلی ہے۔
مزید خبریں :
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
