07 اگست ، 2024 
وقار یونس کی پی سی بی میں بطور ایڈوائزر تقرری کیخلاف درخواست سماعت کیلئے مقرر
07 اگست ، 2024
لاہور ہائیکورٹ میں چیئرمین پاکستان کرکٹ بورڈ (پی سی بی) کے ایڈوائزرکی تقرری کے خلاف درخواست سماعت کے لیے مقرر کردی گئی۔
جسٹس شہرام سرور چوہدری کل شہری کی درخواست پر سماعت کریں گے، درخواست میں وفاقی حکومت، پی سی بی اور وقار یونس کو فریق بنایا گیا ہے۔
درخواست میں شہری کی جانب سے مؤقف اپنایا گیا ہے کہ وقار یونس کی بطور ایڈوائزر تقرری قانون کے منافی ہے۔
درخواست میں استدعا کی گئی ہے کہ عدالت وقاریونس کی بطور ایڈوائزر ٹو چیئرمین پی سی بی تقرری کالعدم قراردے۔
ذرائع کے مطابق گزشتہ ماہ چیئرمین پی سی بی محسن نقوی نےکرکٹ معاملات وقاریونس کوسونپے ہیں جس کے بعد سابق کپتان نے پہلے اسائنمنٹ کے طور پر بنگلادیش کے خلاف سیریز کے معاملات دیکھنے ہیں۔
ذرائع کا کہنا ہے کہ وقاریونس ٹیسٹ سیریز کے لیے سلیکٹرز اور کوچز کےساتھ معاملات دیکھ رہے ہیں۔
یاد رہے کہ پی سی بی نے گزشتہ دنوں ایڈوائزر ٹو چیئرمین کے عہدے پر تقرری کے لیے اشتہار جاری کیا تھا، اشتہار میں درخواست جمع کروانے کے لیے آخری تاریخ 19 اگست مقرر کی گئی تھی۔
دوسری جانب وقار یونس کی تقرری کی خبریں اشتہار سے پہلے ہی میڈیا میں آچکی تھیں۔
مزید خبریں :
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
ریٹائرمنٹ یا طلاق! ویرات کوہلی کی پوسٹ پر مداح پریشان کیوں ہوئے؟
25 نومبر ، 2024
