08 اگست ، 2024 
بھارت کی طرف سے سندھ طاس معاہدے کی مسلسل خلاف ورزی
08 اگست ، 2024
اسلام آباد: بھارت کی طرف سے سندھ طاس معاہدے کی مسلسل خلاف ورزی کی جارہی ہے۔
ذرائع کے مطابق بھارتی ہٹ دھرمی کے باعث گزشتہ 2 سال سے پاک بھارت انڈس واٹر کمشنرز کا اجلاس نہیں ہو سکا۔
ذرائع کا کہنا ہے کہ سندھ طاس معاہدے کے تحت سال میں ایک بار پاک بھارت انڈس واٹر کمشنرز کا اجلاس ضروری ہے۔
ذرائع کے مطابق پاکستان کے انڈس واٹر کمشنر مہر علی شاہ کی طرف سے بھارتی ہم منصب کو اجلاس کیلئے متعدد بار لکھا گیا لیکن بھارتی انڈس واٹر کمشنر کی جانب سے پاکستان کو کوئی جواب نہیں دیا گیا۔
ذرائع کا کہنا ہے کہ انڈس واٹر کمشنرز کا اجلاس آخری بار نئی دلی میں 30 اور 31 مئی 2022 کو ہوا تھا۔
ذرائع کے مطابق معاہدے کے تحت انڈس واٹر کمشنرز کا اجلاس پاکستان اور بھارت میں باری باری ہونا ہوتا ہے،اجلاس کا مقصد باہمی تعاون سے دوطرفہ تحفظات کو حل کرنا ہوتا ہے۔
ذرائع کا کہنا ہے کہ اجلاس میں دریاؤں کے بہاؤ سمیت فلڈ ڈیٹا کے تبادلے اور پاکستان آنے والے دریاؤں پر متنازع بھارتی منصوبوں پر بھی بات چیت ہونی ہوتی ہے۔
مزید خبریں :
کراچی:گھرکی چھت گرنے سے6 بچے جاں بحق ہوگئے
5 گھنٹے پہلے
ٹانک میں سکیورٹی فورسز کے آپریشن میں 3 خوارج ہلاک ہوگئے
10 گھنٹے پہلے
