لاہور ائیرپورٹ پر ارشد ندیم کو اے ایس ایف کی جانب سے سلیوٹ پیش کرنے کی ویڈیو وائرل

پیرس اولمپکس میں 40 سال بعد پاکستان کو سونے کا تمغہ جتوانے والے جیولین تھرور ارشد ندیم کا وطن واپسی پر ائیر پورٹ سکیورٹی فورس (اے ایس ایف) نے بھی والہانہ استقبال کیا۔

قومی ہیرو ملک کا نام روشن کرکے  گزشتہ رات لاہور کے علامہ اقبال انٹرنیشنل ائیرپورٹ پہنچے جہاں وفاقی وزراء سمیت عوام کی بڑی تعداد نے اپنے ہیرو کا گرم جوشی سے استقبال کیا۔

ارشد ندیم کو جہاں پھولوں کے ہار اور پتیاں نچھاور کی گئیں وہیں  ائیر پورٹ سکیورٹی فورس کا عملہ بھی قومی ہیرو کو مبارک باد دینے میں پیچھے نہ رہا۔

اے ایس ایف اہلکاروں نے ارشد ندیم کو  خراج تحسین پیش کرتے ہوئے سلیوٹ پیش کیا  جس کی ویڈیو بھی وائرل ہو رہی ہے۔

واضح رہے کہ ارشد ندیم نے اولمپک ریکارڈ کے ساتھ جیولین تھرو مقابلے میں گولڈ میڈل جیتا ہے، انہوں نے 92.97 میٹر تھرو کرکے نیا اولمپک ریکارڈ قائم کیا۔

ارشد ندیم پاکستان کی جانب سے اولمپکس کے انفرادی مقابلوں میں گولڈ میڈل جیتنے والے پہلے ایتھلیٹ ہیں۔

پاکستان کو 40 سال بعد اولمپکس میں گولڈ میڈل جتوانے والے ارشد ندیم کا وطن واپسی پر فقید المثال استقبال

ارشد ندیم کی پرواز رات ایک بجکر 25 منٹ پر لاہور کے علامہ اقبال ائیرپورٹ پر لینڈ کی ، قومی ہیرو کے طیارے کو ائیرپورٹ پر واٹرکینن سلیوٹ پیش کیاگیا۔

وزیراعظم کا شکریہ ادا کرتا ہوں، ان کا لگایا گیا پودا ہوں: ارشد ندیم کی وطن واپسی پر گفتگو

حکومت کا شکرگزارہوں مجھے سہولیات دیں، قوم اور والدین کی دعاؤں سے اللہ تعالیٰ نے عزت دی، اس کامیابی کے پیچھے بہت لمبا سفر ہے: ارشد ندیم