11 اگست ، 2024 
گولڈ میڈلسٹ ارشد ندیم کو سسر کا تحفے میں بھینس دینے کا اعلان
11 اگست ، 2024
پیرس اولمپکس میں پاکستان کے لیے گولڈ میڈل جیتنے والے ارشد ندیم کو جہاں پاکستان بھر سے کروڑوں روپے کے انعامات دیے سے نوازا جا رہا ہے وہیں ان کے سسز کی جانب سے بھی داما کے لیے تحفے کا اعلان کیا گیا ہے۔
مقامی میڈیا سے گفتگو کرتے ہوئے ارشد ندیم کے سسر محمد نواز نے اپنے داماد کے گولڈ میڈل جیتنے پر انتہائی خوشی کا اظہار کیا۔
محمد نواز کا کہنا تھا انہیں ارشد کے گولڈ میڈل جیتنے پر بہت خوشی ہوئی ہے اور وہ اپنے داماد کا بھرپور طریقے سے استقبال کریں گے، انہیں پھول پہنائیں گے۔
داماد کو تحفہ دینے سے متعلق سوال پر محمد نواز نے کہا کہ وہ اپنے داماد کو ایک بھینس تحفے میں دیں گے، دودھ دینے والی بھینس داماد کو دیں گے۔
ایک سوال کے جواب میں انہوں نے بتایا کہ ان کے سات بچے ہیں، چار بیٹے تین بیٹیاں ہیں جن میں سب سے چھوٹی بیٹی کی شادی ارشد ندیم سے چھ سال قبل ہوئی تھی، ان کی بیٹی سے ارشد ندیم کے تین بچے ہیں جن میں دو بیٹے اور ایک بیٹی ہے۔
محمد نواز نے بتایا کہ ارشد ندیم کے دو بچے مقامی اسکول میں جاتے ہیں، بچی پہلی جماعت میں ہے جبکہ بچے نے اب اسکول جانا شروع کیا ہے، تیسرا بیٹا چھوٹا ہے۔
جب ان سے پوچھا گیا کہ جب شادی ہوئی تھی تو اس وقت ارشد ندیم کیا کرتا تھا تو انہوں نے کہا کہ کہ وہ چھوٹے موٹے کام کرتا تھا، گھر پر ہی پریکٹس کرتا تھا اسے نیزے بازی کا بہت شوق تھا۔
محمد نواز کے مطابق ان کی بیٹی جو ارشد ندیم کی اہلیہ ہیں ماشاءاللہ حافظ قران ہیں، ان کو داماد سے کبھی کوئی شکایت نہیں رہی، وہ جب بھی آتا تھا جو کچھ کھانے کے لیے دے دیتے تھے وہ کھا لیتا تھا۔
مزید خبریں :
ایشین ٹیم اسنوکر چیمپئن شپ میں پاکستان کا شاندار آغاز
27 جون ، 2025
