15 اگست ، 2024 
پاکستان میں رواں سال منکی پاکس کا پہلا کیس سامنے آگیا
15 اگست ، 2024
اسلام آباد: پاکستان میں رواں سال منکی پاکس (ایم پاکس) کا پہلا کیس سامنے آگیا۔
وفاقی وزارت صحت کے حکام کے مطابق منکی پاکس کا کیس خیبرپختونخوا میں سامنے آیا ہے۔
عالمی ادارہ صحت نے گزشتہ روز منکی پاکس کو عالمی ایمرجنسی قرار دیا تھا۔
حکام کے مطابق 3 اگست کو سعودی عرب سے لوٹنے والے شخص میں منکی پاکس کی تصدیق ہوئی ہے، متاثرہ شخص کا تعلق دیر سے ہے جو مردان میں رہائش پذیر ہے۔
حکام کے مطابق یہ پاکستان میں اس سال منکی پاکس کا پہلا کیس ہے، گزشتہ دو سالوں میں پاکستان میں منکی پاکس کے 11 کیس سامنے آئے ہیں۔
حکام کا کہنا ہے کہ منکی پاکس سے متاثرہ شخص کی کانٹیکٹ ٹریسنگ کر رہے ہیں اور مزید لوگوں کے نمونے حاصل کیے جارہے ہیں۔
دوسری جانب وفاقی وزارت صحت میں ڈی جی ہیلتھ کی زیر صدارت اہم اجلاس ہوا جس کے بعد منکی پاکس کے حوالے سے اہم ایڈوائزری اور گائیڈ لائنز جاری کردی گئی ہیں۔
حکام کے مطابق تمام صوبوں کو منکی پاکس کے حوالے سے فوکل پرسنز مقرر کرنے اور بارڈر ہیلتھ سروسز کو تمام پوائنٹس آف اینٹری پر سخت نگرانی کی ہدایت کی گئی ہے۔
مزید خبریں :
کیا زیادہ پانی پینے سے صحت کو فائدہ ہوتا ہے؟
10 گھنٹے پہلے
چینی سائنسدانوں کی اہم پیشرفت، بڑھاپا ماضی کا قصہ بننے کے قریب
22 دسمبر ، 2024
توند کی چربی گھلانے کے لیے ہر ہفتے کتنی ورزش کرنی چاہیے؟
20 دسمبر ، 2024
آپ کی وہ عام عادت جو گردوں کے تکلیف دہ امراض کا شکار بنادیتی ہے
20 دسمبر ، 2024
ڈپریشن جیسے عام مرض سے بچنے کا آسان ترین طریقہ
17 دسمبر ، 2024
