16 اگست ، 2024 
ہاردک پانڈیا کی اداکارہ سے ڈیٹنگ کی افواہیں، مداحوں نے سابقہ اہلیہ نتاشا سے کیا کہا؟
16 اگست ، 2024
بھارتی کرکٹ ٹیم کے آل راؤنڈر ہاردک پانڈیا کے حوالے سے خبریںِ زیر گردش ہیں کہ وہ اہلیہ نتاشا اسٹینکوویچ کو طلاق دینے کے بعد برطانوی اداکارہ و گلوکارہ جیسمین والیا کو ڈیٹ کررہے ہیں۔
بھارتی میڈیا رپورٹس کے مطابق رواں سال جولائی میں جب نتاشا اسٹینکوویچ اور ہاردک پانڈیا نے علیحدگی کا اعلان کیا تو سوشل میڈیا صارفین کی بڑی تعداد نے ماڈل پر الزام لگایا اور ان پر کرکٹر کی زندگی برباد کرنے کا الزام لگایا۔
نتاشا کو سوشل میڈیا پر منفی باتوں کا سامنا کرنا پڑا اور انہیں بے دردی سے ٹرول بھی کیا گیا۔
اب جب حال ہی میں پانڈیا کو ایک برطانوی اداکارہ جیسمین والیا کے ساتھ یونان میں چھٹیاں گزار تے اور دونوں ایک ہی مقام سے اپنے اپنے اکاؤنٹس پر تصاویر اور ویڈیوز پوسٹ کر تے دیکھا گیا تو سوشل میڈیا صارفین نے نتاشا سے معذرت کرلی۔
نتاشا کی حالیہ پوسٹ پر تبصرہ کرتے ہوئے ایک صارف نے لکھا، ’معاف کیجیے گا نتاشا، ہم نے پوری کہانی جانے بغیر آپ پر الزام لگایا، آپ زندگی میں بہترین کی مستحق ہیں'۔
ایک اور صارف نے لکھا کہ ہاردک ایک مشہور اور امیر کرکٹر ہے اس کا مطلب یہ نہیں کہ وہ صحیح اور نتاشا غلط ہیں۔
ایک صارف نے کہا کہ کوئی بھی عورت رشتے میں کسی قسم کا درد نہیں چاہتی، ہاردک ایک عظیم کھلاڑی ہو سکتا ہے لیکن اس سے وہ ایک اچھا شوہر نہیں بنتا۔
واضح رہے کہ ہاردک پانڈیا اورسربین اداکارہ و ماڈل نتاشا اسٹینکوویچ مئی 2020 میں شادی کے بندھن میں بندھے تھے اور دونوں کا ایک 4 سالہ بیٹا آگستیا بھی ہے۔
